Accessibility links

Breaking News

VaMoses Chunga Voita Manyawi neKutora Mukombe weVarairidzi veNhabvu


VaChunga votsvaga ritsigiro rwesangano ravo reChunga Academy

Murairidzi weGunners, VaMoses "Bambo" Chunga, vanoti vari kufara nekutora kwavakaita mukombe wevarairidzi gore rino.

VaChunga vakapihwa mari inoita $2 000, pamusoro pezvo, mutambi weGunners, Ramson Zhuwawo, ndiye akadomwa semutambi akatamba zvinonwisa mvura kudarika vamwe vose.

VaChunga vanoti vari mushishi kutsvaga mari yerutsigiro rwesangano idzva ravakatanga reChunga Academy, iro richange richibatsira vechidiki kuwedzera hunyanzvi hwavo hwenhabvu.

VaChunga vanoti chinhu chinodadisa kuti ndivo vakaitwa murairidzi akakunda vamwe vake, uye mutambi wechikawata chavanorairidza, ndiye akaitwa mutambi akanwisa bhora kukunda vamwe vake.

Vanoti chikwata chavo chiri pamufaro wakanaka chose zvichitevera kutora kwachakaita mukombe we Premier Soccer League.

Gunners inoti iri kutsvaga vamwe vatambi vatsva, kuitira kuti inyatsosimba paichapinda mumakwikwi enhabvu yemuAfrica.

XS
SM
MD
LG