Sangano reUnited Nations, rakabatana nebazi rezveutano, raisa chikumbiro kumasangano epasi rose anopa rubatsiro, chemari inosvika US$8,4m ichashandiswa pakubayisa vana nhomba.
Chikumbiro ichi chinotevera kupararira kuri kuita chirwere chegwirikwiti munyika, icho chinonzi chabata vana vanodarika chiuru nemazana masere nemakumi mana .
Chikumbiro ichi chakaturwa neMuvhuro manheru nemutungamiri wesangano reUNICEF munyika, Dr Peter Salama.
Sachigaro wesangano reZimbabwe Association of Doctors for Human Rights, Dr Douglas Gwatidzo, vanoti hurumende inofanirwa kuona kuti yagadzirisa chirwere chegwirikwiti, kuitira kuti vana vasarambe vachifa nezvirwere zvinorapika nyore nyore.
