Masangano akazvimirira ega mu South Africa anoti ari kufara kuti nyaya yekurwiswa kwemarudzi, kana kuti xenephobia, haina kuzoitika sezvaiva zvakatarisirwa nevazhinji pakapera mitambo ye 2010 FIFA World Cup.
Masangano aya anoti kubatana kwakaita vazhinji uye kuiswa kwemauto munzvimbo dzaiva nedambudziko iri, kwakabatsira zvikuru.
Va Gabriel Shumba ndivo mukuru we Zimbabwe Exiles Forum. Va Shumba vati kunyangwe hazvo pasina zvizhinji zvakazoitika pakapera FIFA World Cup, pachine basa guru rinoda kuitwa kupedza ruvengo kuvatorwa runoitika mu South Africa - muzvipatara, zvikoro nezvimwe zvakadaro.
