Mutungamiri wechikwata cheShooting Stars, Va Joel Sengeredo, vanoti ichokwadi kuti hukama hwavo nekambani yeCaps Holdings hwasvika kwamvura yacheka makumbo.
Izvi zvinonzi zvakakonzerwa nekusawirirana kuripo pamafambisirwo ezvinhu muchikwata ichi pakati pe Caps Holdings ne Shooting Stars.
VaSengeredo vanoti vakanyorerwa tsamba neCaps Holdings kupera kwemwedzi wapera vachiudzwa kuti sangano iri range rava kucheka hukama hwaro nechikwata chavo.
Vanoti vakaita misangano neChitatu yekuzeya nyaya iyi.
Pari zvino VaSengeredo vanoti nyaya iyi iri mumaoko emagweta.
Kunyange hazvo pane kusawiriran uku, VaSengeredo vanoti chikwata chavo chicharamba chiri mugungano rePremier Soccer League.
Shooting Stars yakapedza mwaka wapera iri pachinzvimbo chechinomwe uye iri kutarisira kuti ichatamba zvakanaka mwana uno.
VaSengeredo vanoti vatambi nevarairidzi vechikwata chavo vacharamba vachichengetwa neShooting Stars kunyange hazvo vaibhadharwa neCaps Holdings iyo yagura muchato nechikwata ichi.
