Zvinhu hazvina kumira zvakanaka kuchikwata chine mukurumbira cheDynamos icho chatarisana nekuburitswa muCastle Premier Soccer League mushure mekunge Chapungu yakunda Shabanie.
Dynamos yave panyanga dzamushore mushure mekunge Chapungu yakunda Shabanie 1-0 mumutambo weCastle Premier Soccer League nhasi. Asi mumwe muteveri weDynamos vaBoswell Marimo vanoti Dynamos haiende kuDivision One.
Pane mashoko akasimba ari kufamba ari kuti vePremier Soccer League varikuronga kuwedzera zvikwata zviri mugungano iri kubva pagumi nezvisere kuenda pamakumi maviri mwaka unouya.
Vamweyo vasingateveri Dynamos varikuti izvi zvikuitirwa kuti Dembare isanyure kuenda kunotamba nhabvu yepasi pasi yenorthern region.
Mune mumwe mutambo, Caps United neHighlanders dzatadza kupunzirana pasi mumutambo
waunganidza chaunga muNational Sports Stadium masikati anhasi apo dzaia 0-0. Asi vaona mutambo uyu vanofunga kuti Highlanders ingadai yaenda nemapoinzi es e matatu kuBulawayo dai vashandisa mikana ese yakawandisa yavawana.
Pakurwira mukombe, FC Platinum yave pamusoro peNgezi Platinum Stars
nemapoinzi mashanu mushure mekunge Kugona Kunenge Kudana nezuro yakarova
Dynamo 2-0 panguva iyo Ngezi yakarohwa 1-0 neBulawayo City.
Mitambo yanhasi yapera seizvi..
Bulawayo Chiefs 1 Nichrut 1
Caps United 0 Highlanders 0
Chapungu 1 Shabanie 0
Herentals 2 Mutare City 1
Kwasara mitambo mishanu zvikwata zvina zviri pamusoro soro ndeizvi..
FC Platinum 65 points
Ngezi 60 points
Chicken Inn 54 points
Triangle 48 points
Zvikwata zvina zviri pasi pasi ndeizvi ….
Dynamos 31 points
Mutare City Rovers 22points
Bulawayo City 19 points
Shabanie Mine 18 points
Facebook Forum