Accessibility links

Breaking News

Zviri Kuitika muAmerica

VaDonald Trump Vanoti Vachambomira Kuvharisa Tik Tok

Tik Tok

Mutungamiri we America, VaDonald Trump, vanoti pari zvino havasi kuzovharisa kambani ye Tik Tok mu America sezvavakange vambovimbisa, vachiti vakamirira kuti itengwe nekambani ipi zvayo yemuAmerica.

Tik Tok ikambani yepadandemutande inofarirwa zvikuru nevechidiki.

Tik Tok ikambani iri pasi pekambani yeku China inonzi ByteDance, izvo zviri kukonzera kuti America itye kuti Tik Tok inogona kushandiswa nehurumende yeChina mukuba ruzivo rwemakambani pamwe chete neruzivo pamusoro pe zvizvarwa zve America.

Tik Tok inoshandiswa zvikuru nevechidiki munyika zana nemakumi mashanu (150) uye inoshandisa ndimi makumi manomwe nemashanu (75).

Vanodzidzisa kutapwa kwenhau paTexas State University, kuSan Marcos, mudunhu reTexas, Muzvinafundo Prisca Ngondo, vanoti Tik Tok ine simba nekuti ine vechidiki vakawanda pasi pose izvo zvinotyisa vemuhurumende, avo vanotya kuti kambani iyi ingashandiswa mukuba ruzivo rwezviri kuitwa nemakambani muAmerica pamwe chete neruzivo rwevagari vemuAmerica.

please wait

No media source currently available

0:00 0:03:29 0:00
Pekupinda Napo Kuti Muone Zvamuri Kuda


See all News Updates of the Day

VaJoe Biden Vanodoma Chikwata Chavo Chichaona Nezvekufambiswa Kwemashoko

VaJoe Biden

Vakasarudzwa kuve mutungamiri weAmerica, VaJoe Biden, nezuro vakadoma chikwata chevanhukadzi vegavega kuve vakuru vehofisi yezvekubudiswa nekufambiswa kwemashoko mumuzinda we White House pavanotanga kutonga musi wa 20 Ndira gore rinouya.

Zvaitwa naVaBiden izvi, ndizvo zvekutanga muzinda we White House uchiita chikwata chevanhukadzi vega vanoona nezve kufambiswa kwemashoko mumuzinda uyu.

Muzvinafundo Elliot Masocha vanoti vanoona VaBiden vachichinja vamwe vevanhu vavadoma, vachiti vanoona sezvisina kumira zvakanaka mumaziso evanhu.

Vanoti vamwe vakashanda zvikuru mazuva vaBiden vachitsvaka rutsigiro vaiswa pasi pevanhu vakange vasingaiti basa rakawanda.

Muzvinafundo Masocha vanoti vanoonazve nyaya yerusarura pakati pevanhukadzi nevanhurume ichitanga kutaurwa, vachiti mazuva mashoma ari kuuya acharatidza zvinofungwa nevanhu pamusoro penyaya iyi.

please wait

No media source currently available

0:00 0:03:40 0:00
Pekupinda Napo Kuti Muone Zvamuri Kuda

Nezuro kwekare, VaBiden vakaendeswa kuchipatara mushure mekukuvara gumbo ravo pavakange vachitamba neimbwa yavo pamba pavo, mudunhu reDelaware.

VaBiden, avo vane makore makumi manomwe nemasere, vakaonekwa nanachiremba avo vakati pakange pasina mapfupa akatyoka kana kutsemuka mugumbo ravo, asi vakati VaBiden vachashandisa shangu inobatsira kutsigisa gumbo ravo.

Chimwe Chizvarwa cheZimbabwe Chechidiki Chinogara muAmerica Chowana Rubatsiro Rwekushanda Nevanotambura KuChimanimani

Chimwe Chizvarwa cheZimbabwe Chechidiki Chinogara muAmerica Chowana Rubatsiro Rwekushanda Nevanotambura KuChimanimani
please wait

No media source currently available

0:00 0:05:36 0:00
Pekupinda Napo Kuti Muone Zvamuri Kuda

Zvinhu Zvoramba Zvakaita Manyama Amire neRongo muAmerica

Zvinhu zvoramba zvakaita manyama amire nerongo muAmerica zvichitevera kutsika madziro kuri kuita mutungamiri wenyika iyi, VaDonald Trump, avo vari kuramba kutambira kuti VaJoe Biden ndivo vakakunda musarudzo yemutungamiri wenyika.

Nyanzvi munyaya dzezve matongerwo enyika, muzvinafundo Doctor Moses Rumano, vanoti zviri kuitika izvi zvinoita kuti america ishaye rukodzo pasi rose.

VaRumano vanoti vanoona zvichigadzirisika musi wekugadzwa kwaVaBiden usati wasvika sezvo America iine mitemo inokwanisa kushandiswa kuitira kuti masimba atambidzwane zviri pamutemo.

"Kunyange hazvo tiri kuwona vaviri ava vachitatsura panyaya yekutambidzanwa kwemasimba bumbiro remitemo emuno muAmerica ndiro richashandiswa sezvo muno mune hutongi hwejechetere zvinoita kuti VaJoe Biden vagadzwe musi wa Ndira 20, gore rinouya pasina dambudziko," Doctor Rumano vadaro.

please wait

No media source currently available

0:00 0:02:19 0:00
Pekupinda Napo Kuti Muone Zvamuri Kuda


Kutambidzana kweMasimba Konetsa muAmerica

Trump Biden Mask

Nyanzvi munyaya dzezvehutano dzinoti kusatambidzanwa kwemasimba nechimbi chimbi kuri kuitika muAmerica pakati pemutungamiri wenyika pari zvino, VaDonald Trump ve Republican Party, pamwe nevakasarudzwa semutungamiri mutsva, VaJoe Biden veDemocratic Party, kuri kushamisa veruzhinji pasi rose.

Nyanzvi idzi dzinotiwo kushaikwa kwemushandira pamwe uku kunokwanisa kuwedzera kwehundu hwevanhu vari kubatwa nechirwere checovid-19 munyika iyi sezvo pasina hurongwa hwakajeka pakutambidzanwa kwemasimba.

Hurumende yaVaTrump haisati yatambira zviri pamutemo kuti Va Biden ndivo vakakunda musarudzo yemutungamiri wenyika, uye ivo VaTrump pachavo, vakatokwidza mumatare kupikisa kwavo zviri kubuda mumavhoti ari kuverengwa mumatunhu akasiyana siyana vachiti zvinhu hazvina kufambiswa negwara rinotarisirwa.

Gakava rekutambidzana masimba iri riri kuitika panguva iyo huwandu hwevanhu vari kubatwa nechirwere cheCovid-19 hwuri kuramba huchikwira muAmerica.

Kunyange hazvo VaBiden vakatodoma chikwata chavo chiri kufambisa nyaya dze Covid-19, dambudziko riripo nderekuti chikwata chaVa Biden ichi, chinofanirwa kupangana mazano nevakuru vakuru vezvehutano muhurumende ye America, izvo zvisati zvaitika sezvo bazi re General Services Administration risati ratambidza chikwata chaVa Biden svumbunuro dzekushandisa mahofisi ehurumende, pamwe nekupihwa mari inosvika mamiriyoni gumi emadhora.

VaBiden vanofanirwa kudoma vanhu vanosvika zviuru zvina vachange vachitungamira mapazi ehurumende pamwe nekuva nezvinzvimbo zvepamusoro soro.

Pavanhu ava, chiuru chimwe chete nemazana maviri nemakumi mashanu, vanhu vanofanirwa kutambirwa nedare re Senate kuti vatore zvigaro zvepamusoro muhurumende.

VaBiden vari kutarisirwa kutora mhiko yekuva mutungamiri mutsva musi wa Ndira 20, 2021.

Imwe nyanzvi munyaya dzehutano pamwe nezvematongerwo enyika, Dr Simbiso Ranga, vanoti kunonoka kutambidzana masimba kuri kuitika kuchaita kuti dambidzo reCovid-19 riremera America zvikuru.

please wait

No media source currently available

0:00 0:02:52 0:00
Pekupinda Napo Kuti Muone Zvamuri Kuda


VaBiden Voenderera Mberi Vachiumba Hurumende Yavo Zvisineyi Kuti VaTrump Vari Kuramba Kutambidzana Masimba

VaJoe Biden

Panguva iyo mutungamiri weAmerica, VaDonald Trump, vari kuramba kutambira zvakabuda musarudzo yemutungamiri wenyika musarudzo dzichangobva kuitwa muAmerica, vakasarudzwa kuve mutungamiri wenyika, VaJoe Biden vebato reDemocratic Party vari kuenderera mberi nekuita hurongwa hwegadziriro yehurumende yavo kuburikidza nemisangano yakasiyanasiyana.

Nemusi weChipiri VaBiden vakasangana nenyanzvi dzezvekudyidzana nedzimwe nyika, nyanzvi dzezvekusora pamwe nenyanzvi dzezvekudzivirirwa kwenyika.

Nemusi weChitatu, VaBiden vakaita musangano wepadandemutande nevashandi vezvehutano vari kushanda vari pamberi mukurwisana nedenda rarura muAmerica pamwe nepasi rose reCovid-19.

Asi zvose izvi zvichiitika, VaTrump havana kupeta maoko kwete. VaTrump vari kuramba vachitevera nyaya dzekupikisa kwavo kukunda kwaVaBiden kuburikidza nematare edzimhosva, asi vanonzi vari kusangana nezvimhamipinyi kumatare zvichitevera kuraswa kwakaitwa imwe yenyaya dzavo kudare rekuPennsylvania uko vaiedza kumisa kudomwa kwaVaBiden.

Chikwata chaVaTrump chakazivisawo kuti chiri kupikisawo kukunda kwaVaBiden kudunu reNevada, pamusoro pedzimwe nyaya dziri mumatare emamwe matunhu, izvo zviri kunzi nevamwe vanoongorora zvematongerwo enyika hazvina zvikuru zvazvichashandura.

Asi chimwe chizvarwa cheZimbabwe chinoongorora zvematongerwo enyika uye chichiita zvidzidzo zvematongerwo enyika paGeorge Mason University muVirginia kuno muAmerica, uye ari munyori wemabhuku, Pearl Matibe, anoti vanhu vanofanirwa kupa mukana kuhurongwa huri kuitika hunosanganisira kuverengwa kwemavhoti zvakare mune mamwe matunhu nezvichabuda kumatare kunyaya dzaVaTrump vasati vatanga kuti zviri kunonoka.

Ngatinzweyi vachitsanangura muhurukuro yaaita naJonga Kandemiiri weStudio 7.

please wait

No media source currently available

0:00 0:03:41 0:00
Pekupinda Napo Kuti Muone Zvamuri Kuda

Rodhai zvimwe

XS
SM
MD
LG