Monday, May 20, 2013 Local time: 21:26
Audio menu
Audio Nhau dzeShona 1700
Audio Studio 7 for Zimbabwe
Audio Indaba

Nhau / Africa

Hurumende Yovhara Zvikoro Zvisiri Kushanda Zviri Pamutemo

map of zimbabwemap of zimbabwe
x
map of zimbabwe
map of zimbabwe
TEXT SIZE - +
Marvellous Mhlanga-Nyahuye

13.11.2012

WASHINGTON — Bazi rezvedzidzo yepamusoro rinoti ravhara zvikoro zvepamusoro zvinosvika zana negumi nezvitatu zvange zvichishanda zvisiri pamutemo uye zvisina marezinesi ekuita basa iri.

Pazvikoro izvi,  zvinosvika makumi mana nezviviri zvatovharwa zvachose.  Zvikoro zvizhiji zvakatarisana nedambudziko iri zviri mu Harare, Chitungwiza, Bulawayo,
Midlands, Matebeleland South, Matabeleland North neManicaland.

Zvimwe zvikoro zviri muHarare zviri kunzi zviri kushanda zvisiri pamutemo nehurumende zvinosanganisira First Link College, Peter Birch School of Art, Zimbabwe Early Childhood Development, Zimtech Training College, Magamba Hall College, Herentals Budiriro, neBlue Magic School of Braiding and Weaving.

Zvikoro zvinonzi zvakatorerwa marezinesi nehurumende zvinosanganisira Churston College, Genesis College muHarare, ZDECO kuKwekwe, Kamativi Vocational Training Centre, Bulilima Information Technology Centre, Gweru Computer Learning Centre and Mutare Professional College.

Munyori  mubazi redzidzo yepamusoro, Dr Washington Mbizvo, vakaudza bepanhau re Herald kuti vari kushanda nemapurisa kuitira kuti zvikoro zviri kuita basa zvisiri pamutemo zvisabvumidzwe kuita basa iri.

Mumwe murairidzi wemuHarare, Va Abbiot Moyo, vanoti zvinoshungurudza kuti vadzidzi vari kurasikirwa nemari panomiswa dzidzo kana zvikoro izvi zvavharwa.

Va Moyo vanoti hurumende inofanirwa kuramba ichikurudzira vane zvikoro izvi kuti vagadzirise zvinhu kuitira kuti vadzidzi vasarambe vachirasikirwa nemari nenguva.

Hurumende inoti kubvira gore ra 2010 yavhara zvikoro zvinosvika mazana mashanu zvange zvichishanda zvisiri pamutemo.


Hurukuro naVa Abbiot Moyo
Loading
12:00:00 / -:--:--
⎚
This forum has been closed.
Comments
     
There are no comments in this forum. Be first and add one

Studio 7

Chirongwa

Facebook

 

Most Popular