Accessibility links

Breaking News

VaMugabe Vanodoma Makurukota Matsva


Mutungamiri wenyika, VaRobert Mugabe, vagadza mamwe makurukota matsva muhurumende zvichitevera kupera kwekongiresi yebato ravo svondo rapera.

Sezvanga zvakatarisirwa nevakawanda, VaMugabe vatoresa mhiko VaEmmerson Mnangangwa nVaPhelekezela Mphoko sevatevedzeri vavo muhurumende.

VaMnangagwa ndivo mutevedzeri wekutanga, ukuwo Va Mphoko vari mutevedzeri wechipiri.

Kunyange hazvo vaviri ava vari vatevedzeri vemutungamiri wenyika, VaMnangagwa vacharamba vari gurukota rezvemitemo, ukuwo VaMphoko vaitwa gurukota rezverunyararo, kupodza maronda nekuregererana.

Muzvare Oppah Muchinguri ndivo vaitwa gurukota rezvedzidzo yepamusoro, ukuwo VaSupa Mandiwanzira vachiitwa gurukota rezvehumhizha mukufambiswa kwemashoko.

Hurukuro naVaSupa Mandiwanzira
please wait

No media source currently available

0:00 0:01:57 0:00
Pekupinda Napo Kuti Muone Zvamuri Kuda

VaMandiwanzira vanga vari mutevedzeri wegurukota rezvekuburitswa kwemashoko. VaSimon Khaya Moyo vaitwa gurukota rezvekurongwa kwehupfumi, ukuwo VaSamuel Udenge vakaitwawo gurukota rezvemhando dzemoto.

Gurukota idzva rezvechidiki nekuendesa hupfumi kuvatema ndiVa Chris Mushowe, ukuwo Amai Mandy Chimhene ndivo vava gurukota idzva redunhu reManicaland.

VaJoel Biggie Matiza ndivo gurukota idzva redunhu reMashonaland East, Amai Prisca Mupfumira vari gurukota rezvevashandi.

Gurukota rezvevakarwira rusununguko ndiVaChris Mutsvangwa, mudzimai wavo, Amai Monica Mutsvagwa, vaitwawo mutevedzeri wegurukota rezvekuburitswa kwemashoko.

Amai Tsitsi Muzenda ndivo mutevedzeri wegurukota rezvemhando dzemoto.

Asi VaMugabe havasati vadoma achange ari gurukota rezvemadzimai, chinzvimbo changa chiina Muzvare Muchinguri.

VaMandiwanzira vanoti vachashanda musimudzira humhizha munyika

Asi munyori mukuru mubato rinopikisa hurumende re MDC-T, Va Douglas Mwonzora, vanoti hapana zvitsva zvingaitwe nemakurukota aya nekuti Zanu PF sebato ratadza kugadzirisa matambudziko akatarisana nenyika.

Hurukuro naVaDouglas Mwonzora
please wait

No media source currently available

0:00 0:02:04 0:00
Pekupinda Napo Kuti Muone Zvamuri Kuda

XS
SM
MD
LG