China, Kukadzi 11, 2016 Local time: 16:56

    Nhau / Africa

    Vanhukadzi Votsigira Gwaro reBumbiro Idzva paReferendamu

    x
    Sylvia Manika
    Madzimai ane mukurumbira mukurwira kodzero dzevanhu akasangana neChina manheru muchirongwa chekucherechedza nhoroondo yevanhu vatema muAmerica akakurudzira vanhu kuti vatsigire gwaro rebumbiro idzva remitemo yenyika pareferendamu ichaitwa mwedzi unouya.

    Vachitaura pamusangano uyu, mumwe wevanhu vakarwira rusununguko, uye vakambotungamira bato reZimbabwe Union of Democrats, Amai Margaret Dongo, vakati zvakakosha kuti vanhu vatambire bumbiro idzva senzira yekufambisa zvinhu mberi munyika.

    Amai Dongo, avo vakambenge vari nhengo yeparamende vachimirira Zanu PF vasati vava munhu anozvimirira, vakati makakatanwa ari muhurumende yemubatanidzwa anopedzwa nekuva nehurumende imwe chete, ichasarudzwa mushure mereferendamu.

    Amai Dongo vakati wokunyange hazvo gwaro rebumbiro idzva riri kushorwa zvakanyanya, vanhu vanofanirwa kuziva kuti mumwe mukana wekunyora rimwe bumbiro idzva hauuye zvakare nyore nyore.

    Vachitaurawo pamusangano uyu, Amai Netsai Mushonga veWomen’s Coalition of Zimbabwe, vakakurudzirawo vanhukadzi kuti vatambire gwaro iri sezvo richiremekedza kodzero dzavo kudarika riripo pari zvino.

    Mukuru we Women of Zimbabwe Arise, Amai Jenni Williams, vakatiwo vanhu havafanirwe kurasikirwa nemukana uyu sezvavakaita muna 2000.

    Amai Williams vakatiwo vachapa madzimai mukana wekunyatsonzwisisa kuti zvakakosha sei kuti vabvume kana kuramba kutambira bumbiro iri pareferendamu. Vakati havadi kuita zvakaitika apo vanhu vaikurudzirwa kusatsigira gwaro rebumbiro mureferendamu yemu 2000 pasina zvavaiziva zvaiva mugwaro iri.

    Musangano uyu wakarongwa nemuzinda weAmerica muZimbabwe senzira yekurangira kurwira kodzero kwakaitwa nevatema vekuAmerica vakaita sa Amai Rosa Parks avo vakaramba kudzvanyirirwa kwevatema vaisungirwa kusimukira vachena mumabhazi nemuzvitima.

    Amai Rosa Parks nevamwe vatema vakaita samuchakabvu Martin Luther King Junior vakashandisa nzira dzisina mhirizhonga mukati mukurwira kodzero dzevanhu vose.

    You May Like

    Vagari vekuMasvingo Vanoti Vomanikidza kuBhadhara Mari yeBhavhudhe raVaMugabe

    Mutungamiriri we sangano rinomiririra vadzidzisi re Progresive Teachers Union of Zimbabwe(PTUZ) VaTakavafira Zhou vati hofisi yavo yanzwa nekutambira mashoko aya kubva ku nhengo dzavo. Onai zvimwe

    Sangano reMapurisa neMauto reJoint Operation Command Rodaidzira Hurukuro neSangano Riri Kuronga Kufora paValentine's Day

    Rimwe sangano rinorwira kodzero dzevanhu, reZimbabwe Activists Alliance rinoti rino katyamadzwa nedanho ratorwa nemapurisa rekushevedza nhengo dzaro kumusangano weJoint Operation Command kana kuti JOC, uyo unonzi uchaitwa neChina masikati Onai zvimwe

    VaMnangagwa naVaCharamba Vofumurwa KuMusangano weZanu-PF Politburo

    Mumiriri weHurungwe East mudare reparamende amai Sarah Mahoka vatiwo VaMnangagwa havafanire kuita kunge dhakisi vachitadza kutsiura vatsigiri vavo avo vanzi vave kunetsa vamwe vatsigiri mubato nenyaya yekuda chigaro. Onai zvimwe
    Live Talk

    Live Talk

    Zimbabweans living outside the country who cannot receive our broadcast signals can now listen to and participate in LiveTalk in real time. Click on the link below to listen to the LiveTalk program in progress (8:30-9:00 p.m. Zimbabwe time (1830-1900 UTC) Monday-Friday) and call our studio directly at 1-202-619-2077 to participate. Schedule: Monday-Friday Local Time: 8:30-9:00 p.m. UTC Time: 1830-1900 Duration: Weekdays: 30 minutes

    Facebook