China, Kukadzi 11, 2016 Local time: 14:56

    Nhau / Matongerwo eNyika

    VaTsvangirai Vanoti Gore Rinouya Rakakosha Zvikuru

    x
    Blessing Zulu
    Mutungamiri wehurumende, VaMorgan Tsvangirai, vayambira mhuri yeZimbabwe kuti isunge dzisimbe sezvo gore riri kutevera rinenge rakaoma zvakanyanya munyaya dzezvematongerwo enyika.

    Mumashoko avo ekisimusi negoredzva kumhuri yeZimbabwe, VaTsvangirai vanoti nyika yakatarisana nekupedza bumbiro remutemo, referendamu yacho, sarudzo uye musangano wakakosha weUnited Nations World Tourism Conference zvinova zvinhu zvinoda hushingi. 

    VaTsvangirai vanoti nyaya yekunyora bumbiro idzva remitemo yenyika yagara yakaoma zvikuru nenyaya yekuti riri kunyorwa nemapato akawanda ezvematongerwo enyika ane muonero wakasiyana.

    Pari zvino pane makakatanwa ari kuitwa nemapato pamusoro pezvinhu zvinofanirwa kunge zviri mubumbiro idzva.

    VaTsvangirai vakurudzirawo vechidiki kuti vanonyorese kuitira kuti vakwanise kuvhota musarudzo. Mutungamiri wehurumende akurudzirawo vezvematongerwo enyika kuti vaite sarudzo dzisina mhirizhonga.

    Vatiwo mapurisa uye muchuchusi mukuru wehurumende havafanire kuita basa vachirerekera rimwe divi. VaTsvangirai vatiwo vose vanenge vachiita zvemhirizhonga vanofanira kukandwa mujere.

    Vatiwo vezvematongerwo enyika uye vatori venhau havafanire kukurudzira mhirizhonga nekutaura mashoko eruvengo.

    Vakafanobata chigaro chemutauriri waVaTsvangirai, VaWilliam Bango, vanoti VaTsvangirai vane chivimbo chekuti zvinhu zvichafamba zvakanaka kunyange hazvo ari makata.

    Hurukuro naVaWilliam Bango
    Hurukuro naVaWilliam Bangoi
    || 0:00:00
    ...    
     
    X

    You May Like

    Vagari vekuMasvingo Vanoti Vomanikidza kuBhadhara Mari yeBhavhudhe raVaMugabe

    Mutungamiriri we sangano rinomiririra vadzidzisi re Progresive Teachers Union of Zimbabwe(PTUZ) VaTakavafira Zhou vati hofisi yavo yanzwa nekutambira mashoko aya kubva ku nhengo dzavo. Onai zvimwe

    Sangano reMapurisa neMauto reJoint Operation Command Rodaidzira Hurukuro neSangano Riri Kuronga Kufora paValentine's Day

    Rimwe sangano rinorwira kodzero dzevanhu, reZimbabwe Activists Alliance rinoti rino katyamadzwa nedanho ratorwa nemapurisa rekushevedza nhengo dzaro kumusangano weJoint Operation Command kana kuti JOC, uyo unonzi uchaitwa neChina masikati Onai zvimwe

    VaMnangagwa naVaCharamba Vofumurwa KuMusangano weZanu-PF Politburo

    Mumiriri weHurungwe East mudare reparamende amai Sarah Mahoka vatiwo VaMnangagwa havafanire kuita kunge dhakisi vachitadza kutsiura vatsigiri vavo avo vanzi vave kunetsa vamwe vatsigiri mubato nenyaya yekuda chigaro. Onai zvimwe
    Live Talk

    Live Talk

    Zimbabweans living outside the country who cannot receive our broadcast signals can now listen to and participate in LiveTalk in real time. Click on the link below to listen to the LiveTalk program in progress (8:30-9:00 p.m. Zimbabwe time (1830-1900 UTC) Monday-Friday) and call our studio directly at 1-202-619-2077 to participate. Schedule: Monday-Friday Local Time: 8:30-9:00 p.m. UTC Time: 1830-1900 Duration: Weekdays: 30 minutes

    Facebook