Wednesday, June 19, 2013 Local time: 07:59
Audio menu
Nhau dzeShona 1700Audio Nhau dzeShona 1700
Studio 7 for ZimbabweAudio Studio 7 for Zimbabwe
Indaba Audio Indaba

Nhau / Africa

VaTsvangirai Vanokwidza Nyaya Yavo Mudare rePamusorosoro

VaMorgan TsvangiraiVaMorgan Tsvangirai
x
VaMorgan Tsvangirai
VaMorgan Tsvangirai
TEXT SIZE - +
Thomas Chiripasi

18.09.2012

HARARE — Mutungamiri wehurumende uye vari mutungamiri weMDC-T, Va Morgan Tsvangirai, vakwidza neChipiri nyaya yavo naMuzvare Locadia Karimatsenga kudare repamusoro-soro re Supreme Court vachiti vanoda kuti mutongo wakacherechedza Muzvare Karimatsenga semudzimai wavo, usendekwe parutivi.

Mapepa asvitswa kudare repamusoro-soro nerimwe remagweta aVaTsvangirai, VaInnocent Chagonda, anoti mutongi wedare repamusoro, VaChinembiri Bhunu, vakatonga zvisiri izvo pavakacherechedza mutongo wamejasitiriti, VaMunamato Mutevedzi, uyo waiti VaTsvangirai vakaroora Muzvare Karimatsenga, izvo zvakapa kuti rezenisi rakanga rapihwa VaTsvangirai kuti vachate rikanzurwe..

Mapepa aya anotiwo dare repamusoro rakakanganisa parakacherechedza mutongo waVaMutevedzi uyo wakati VaTsvangirai vakaroora Muzvare Karimatsenga.

Magweta aVaTsvangirai anoti mutungamiri wehurumende aifanira kugariswa pasi pachiongororwa kuti chii chakanyatsoitika pavanonzi vakaroora Muzvare Karimatsenga  kwete kuti dare ringopa mutongo risina kuvapa mukana wekuita izvi.

VaTsvangirai vari kuramba kuti vakaroora Muzvare Karimatsenga vachiti vakangobhadhara mari yekuvakanganisa kana kuti damage. Pamuviri pakange pave naMuzvare Karimatsenga panonzi pakazobva pave nemwedzi minomwe nechidimbu.

Kana nyaya yakwidzwa kudare naVaTsvangirai iyi ikabudirira, Va Tsvangirai vanogona kuzochata zvakare pasi pemutemo unobvumidza kuti vaite mudzimai mumwe chete. Mutungamiri wehurumende akachata naMuzvare Macheka neMugovera pamuchato wakaitwa pasi pemutemo unobvumidza kuita vakadzi vakawanda zvichitevera kukanzurwa kwakaitwa rezenisi rekuti vachate.

Muzvare Karimatsenga vachiri mumatare zvakare umo mavari kuda kuti variritirwe nemutungamiri wehurumende uye nyaya iyi yakatarisirwa kunzwikwa neChishanu.
This forum has been closed.
Comments
     
There are no comments in this forum. Be first and add one

Studio 7

Chirongwa

Facebook

 

Most Popular