Svondo, Kukadzi 14, 2016 Local time: 16:26

    Nhau / Africa

    Varume Vana Vanofa Vachichera Goridhe kuPenhalonga

    x
    Loirdham Moyo
    Varume vana vanoita basa rekukorokoza vachichera goridhe munzvimbo yeTsvingwe, kuPenhalonga vakafa neChina manheru mushure mekunge nzvimbo yavaichera goridhe, yawondomoka.

    Mumwe wevarume ava akakuvara zvakaipisisa uye ari kurapwa pachipatara cheMutare Provincial Hospital.

    Vakashaya mutsaona iyi ndiVa Wellington Chapeta, avo vange vave nemakore makumi maviri nemasere, VaMoses Chikwara, avo vange vava nemakore makumi maviri nematanhatu, VaVirimai Tembo, nemumwe angonzi Joshua. Hama dzevafi dzakaziviswa nezvarufu urwu.

    Mugodhi wakadhirika uyu unonzi wanga wakadzika mamita anoda kusvika makumi maviri. Pawakadhirika, vanhu ava vakabva vadzvanyirirwa nemavhu, izvo zvakaita kuti vafe, kusara kwemunhu mumwe chete, uyo akakurumidza kubatsirwa.

    VaChapeta vasiya vana vatatu nemudzimai, ukuwo VaChikwara vasiyawo vana vaviri nemudzimai, VaTembo vasiyawo mudzimai nevana vaviri. Asi hapana zvakawanda zvinozivikanwa nezva Joshua. Vakakuvara pachiitiko ichi vanonzi ndi VaJoseph Makoni, avo vari kurapwa muchipatara.

    Munin’ina wemufi, Chapota, VaWellington Chapota, vanoti ivo vakapona nekuti vakange vasiri mumugodhi uyu.

    Mumwe muvakidzani akange ari panzvimbo iyi, VaJeolousy Chipoka, vanoti njodzi iyi yakaitika vasingafungiri kuti zvakadai zvinogona kuitika. VaChipoka vanoti hapana hurongwa hwati hwavapo maererano nekuvigwa kwevanhu ava.

    Asi VaChipoka vanoti pari zvino mhuri dzakawirwa nenjodzi iyi dzakatarisana nedambudziko rekushaya mari yekushandisa pakutenga zvakasiyana-siyana zvinodiwa pakuvigwa kwevanhu ava.

    Muramu waVaChapeta, Amai Magaret Kandelo, vanoti vari kurwadziwa zvikuru sezvo sisi vavo vasara nemhuri pasisina anoiriritira.

    Amai Debra Kandelo, mumwe muramu weVaChapeta, vanotiwo rufu rwemhando urwu rwaikwanisa kudzivirirwa dai vanhu ava vaiva nemabasa ane pundutso. Vati hurumende inofanirwa kuona kuti yagadzirisa zvehupfumi kuitira kuti vanhu vawane mabasa.

    Mumiriri weMutasa South mudare reparamende, VaMisheck Kagurabadza, vanoti zvaitika izvi zvinosuwisa zvikuru sezvo vashaya ava vange vachiedza kuriritira mhuri dzavo.

    Mutauriri wemapurisa mudunhu reManicaland, Inspector Enock Chishiri, vanoti havasati vava nezvizere maererano nezvakaitika kuTsvingwe kunyange vati vakanzwa nezvechiitiko ichi.

    You May Like

    VaChris Mutsvangwa Vodzingwa muZanu-PF

    VaMutsvangwa nevamwe vavo vari kupomerwa mhosva yekusaremekedza mutungamiri weyika VaRobert Mugabe nemudzimai wavo Amai Grace Mugab Onai zvimwe

    Senator Hlalo Vanodzingwa muMDC-T

    VaSibanda vanoti VaHlao vakapihwa mukana wekuuya kuzozvichenura kudare reNational Couuncil asi vakaramba. Onai zvimwe

    VaTsvangirai Vanoramba Vachikwezva Chaunga kuMisangano Yavo kuMasvingo

    Munyori mukuru muMDC-T VaDouglas Mwonzora vaudza Studio 7 kuti vanhu vakawanda vakauya pamusangano wakaitirwa paNgundu Growth Poi Onai zvimwe

    Gonzo naChin'ai Zvotosvorana: Amai Mugabe Vonetsana naVaMnangagwa

    VaMngangagwa vanonzi ndevamwe vevari muZanu PF varikuda kutora chigaro chemutungamiri wenyika VaRobert Mugabe kana vachinge vabva pachigaro. Onai zvimwe

    Chicken Inn Yokweshana neSundowns yekuSouth Africa muCAF Champions League

    Mutsigiri weChicken Inn VaLevison Ndudzo vanoti chikwata chavo chinokwanisa chete kukanganisa Khama Billiat kuti asatambe semazuva ese vanokunda. Onai zvimwe
    Indaba zesiNdebele

    Indaba zesiNdebele

    Ndebele 1800-1830 Monday-Friday
    English

    English

    Studio 7 has been providing Zimbabwe with objective, reliable and balanced radio news broadcasts since 2003 and has become a highly valued alternative point of reference on the airwaves for many thousands of Zimbabweans. Studio 7 covers politics, civil society, the economy, health, sports, music, the arts and other aspects of life in Zimbabwe.
    Nhau dzeShona

    Nhau dzeShona

    Nhau dzeShona Nguva yeChirongwa Muvhuro-Chishanu Nguva dzeChinomwe Manheru 19:00 UTC Time: 1700 Nguva yeChirongwa 20

    Facebook