Kumakwikwi emaAll Africa Games ari kuitwa kuCongo-Brazzaville, mutihwini Kirsty Coventry akakwanisa kuhwina menduri dzegoridhe nhatu mumakwikwi e100 meters backstroke, 200 meters backstroke ne 200 meters individual medley.
Asi Kirsty anotiwo aya ndiwo makwikwi ake ekupedzisira sezvo anenge opedza nguva nemhuri yake panopera makwikwi emaOlympics eku Rio de Janeiro kuBrazil gore rinouya.
Mutihwini uyu akwanisa kutora menduru dzegoridhe pfumbamwe mumakwikwi emaAll Africa Games ose amatatu apfuura. Izvi hazvisati zvaitika munhoroondo yemaAll Africa Games.
Kirsty anoti nyaya yemitambo nemenduru dzaanopihwa inobatsira zvakanyanya mukubatanidza mhuri yeZimbabwe.
Munyika mune kukandirana makobvu nematete kwakanyanya pakati pebato riri kutonga reZanu-PF nemapato anopikisa.