Accessibility links

Breaking News

Vatsigiri Venhabvu Vanoti Vanetarisiro yeKuti MaWarriors Achakwanisa Kuenda Kumakwikwi e2017 Africa Cup Of Nations


Zimbabwe Warriors
Zimbabwe Warriors

Vatsigiri venhabvu muZimbabwe vachiri netariro muchikwata chavo chemaWarriors kunyange chakatarika mukuita mangange pamusha nemaSyli Nationale ekuGuinea chichabudirira kuenda kumakwikwi e2017 Africa Nations Cup

Veruzhinji vanoti pane zvishoma zvinoda kugadziriswa kuti chikwata ichi chikunde mumitambo yasara kusanganisa kunyatsogadzirisa munyaya yegadziriro yechikwata ichi.

Nhengo yeWarriors Fan Club VaAdam Mupaso vanoti hapana chinotadzisa chikwata ichi kuenda kuGabon kana veZIFA vakagadzirisa mazuva anofanira kusangana chikwata ichi mukamba.

VaEmmanuel Gambare avo vanoti vanotsigira chikwata cheDynamos vanoti mukana uripo mukuru kuti maWarriors abudirira asi savamupaso vanoti panezvimwe zvekare zvinoda kutanga zvagadziriswa.

Mutambi wemaWarriors Cuthbert Malajila anoti maWarriors ari kuenda kumafainari achiti iye sezvavakaita apo vakaenda kumaMalawi ari kutarisira kuti Zimbabwe ichanotora mapoinzi matatu apo ichaenda kuSwaziland nekuGuinea.

Malajila anoti achitarisa pamutambo weGuinea ivo vakatamba zvinodakadza asi vakaita rombo rakaipa rekupa Guinea chibodzwa chayanga isingakodzere.

Mumwe mutsigiri wenhabvu uyezve ari nhengo yeZimbabwe National Soccer Supporters Association iyo inotungamirwa naVaEddie Nyatanga VaSimbarashe Mahachi vanoti vachitarisa gadziriro yemaWarriors vatambi ava vakatamba zvinodakadza. MaWarriors asarirwa nemitambo mina kuti vapete nzira yekuenda kuGabon.

Vane mitambo miviri neSwaziland, vachizonanga kuGuinea. Mutambo wavo wekugumisira uri pamusha neMalawi. Mitambo yese iyi ichatambwa gore rinouya.

Muneimwewo nyaya yemitambo, sangano re Zimbabwe Rugby Union rinoti riri kufara nekupihwa mukana kwakaita Zimbabwe kuti makwikwi makuru eUnder 20 Junior Rugby World trophy atambirwe munyika gore rino uya.

Vanoona nezvekufambiswa kwezvirongwa musangano reZimbabwe Rugby Union VaBrighton Chivandire, vanoti varikutarisira kuwana rubatsiro kubva kusangano guru re World Rugby uye vachasangana nehurumende munguva inotevera kuti vakwanise kuzeya kuti vodyidzana seyi.

Nyaya Ina Michael Kariati
please wait

No media source currently available

0:00 0:03:30 0:00
Pekupinda Napo Kuti Muone Zvamuri Kuda

Hurukuro NaBrighton Chivandire - Zimbabwe Rugby Union
please wait

No media source currently available

0:00 0:01:58 0:00
Pekupinda Napo Kuti Muone Zvamuri Kuda

XS
SM
MD
LG