Chitatu, Kukadzi 10, 2016 Local time: 10:38

    Nhau / Africa

    Vatambi veDynamos Votsvaga Mafuro Manyoro Kunze kweNyika

    Soccer BallSoccer Ball
    x
    Soccer Ball
    Soccer Ball
    Michael Kariati
    Murairidzi wechikwata chine mukurumbira munyika, cheDynamos, Kalisto Pasuwa, anoti ari kushushikana zvikuru nekubuda kuri kuita vatambi muchikwata chaanorairidza vachinotsvaga mafuro manyuro kunze kwenyika.

    Chikwata ichi chave kutanga gadziriro yacho yegore rino chisina mutambi wacho ane mbiri, Denver Mukamba, uyo ari kuenda kunotambira Bidvest Wits yekuSouth Africa mushure mekutora mukombe we 2012 Castle Soccer Star of the Year pamwe nekubatsira Dynamos kutora mukombe we Castle Lager Premier Soccer League pamwe neweMbada Diamonds Cup .

    Mumwe wake, munwisi wezvibodzwa, Rodrick Mutuma, ari kuSouth Africa uko ari kutsvaga basa kuOrlando Pirates. Ari kudiwa zvakare nezvimwe zvikwata zviviri, Bloemfontein Celtic neDynamos muSouth Africa makare.

    Mutuma akatokumbira kuti Dynamos imbomira kumunyoresa mumitambo yemunyika sezvo akawana basa asiri kudzoka kuzotambira De Mbare.

    Pamusoro pezvo, mumwe mutambi, Simba Sithole, ari kunzi ari kuitawo hurukuro nezvimwe zvikwata zvekuSouth Africa uko kunobhadharwa vatambi mari yakanaka.

    Ukuwo Partson Jaure, uyo aive pavatambi gumi nemumwe chete vairwira mukombe we 2012 Soccer Star of the Year, ari kutsvagawo basa kuEurope uko ari kunzi ari kudiwa nezvimwe zvikwata munyika dzakasiyana siyana.

    Pasuwa anoti nezviri kutika izvi, Dynamos inoda kugadziriswa zvakasimba kuitira kuti ikwanise kutora mikombe muZimbabwe pamwe nekutamba zvakanaka muAfrica, sezvo vaimbove vatungamiri vevatambi, Desmond Maringwa, naGeorge Magariro pamwe naDavid Kutyauripo, vasina kunyoreswa kutambira chikwata ichi.

    Nguva yekunyoresa vatambi muCAF Champions League yakatodarika uyezve CAF haitenderi kunyoresa vatambi vatsva.

    Pasuwa anoti kusavepo kwevatambi ava kunosiya buri guru muhondo yeDynamos yekutora mukombe wemuAfrica uyu.

    Mutuma, Sithole  naJaure vese vakanyoreswa kutambira De Mbare muCAF pamwe nevamwe vatambi vatsva vakatengwa vakaita saStephen Alimenda, kubva kuHardbody, pamwe naArtwell Mukandi na Russell Madamobe vakatengwa kuMonomotapa.

    Pasuwa anoti panguva ino anga achida kuti ave nevatambi vake vese avo chikwata chake chakanyoresa kuti vatambire De Mbare gore rino pagadziriro yemitambo yakakosha kudai seyeCAF Champions League.

    Pasuwa anoti akumbira musangano nevanotungamira Dynamos kuti anzwe kuti vanofungeyi nezviri kuitika nevatambi vechikwata ichi.

    Asi sachigaro weDynamos, VaKeni Mubaiwa, vanoti havasi kuzovharira gonhi vatambi vanoda kusiya Dynamos vachienda kune zvikwata zvekuSouth Africa vachiti ivo vachaita pose pavanogona kuti vatengere Pasuwa vatambi vatsva kutsiva vanenge vaenda.

    Kunyange hazvo nguva yekutenga vatambi vatsva kubva kune zvimwe zvikwata muZimbabwe iri kutanga musi Ndira 1, 2013, ichipera mukutanga kwaKurume, vePremier Soccer League havasati vatanga kunyoresa vatambi vachatambira zvikwata mumakwikwi emwaka mutsva wenhabvu.

    You May Like

    Nyakuda kuBhomba Kambani yaVaMugabe Okandwa Mujeri kweMakore Mapfumbamwe

    Mumwe wemhuri yaVaKuchata, Amai Joyline vati vatambira mutongo wapihwa nedare. Onai zvimwe

    Vhidhiyo Live Talk

    Zimbabweans living outside the country who cannot receive our broadcast signals can now listen to and participate in LiveTalk in real time (8:30-9:00 p.m. Zimbabwe time) (1830-1900 UTC) (Monday-Friday) and call our studio directly at 1-202-619-2077 to participate. Onai zvimwe

    Vamwe Voshora Hurongwa hweHurumende hweKurwisa Huori

    Nekuona kutekeshera kwedambudziko rehuwori munyika, hurumende svondo rapera yakaparura chirongwa chinokurudzira vana vezimbabwe kuti vabatane mukurwisana nehuwori chainoti “Against Corruption Together”. Onai zvimwe

    Nyaya yeVarairidzi Vasingagone Rurimi rweNdebele Vachidzidzisa Vana kuMatabeleland Yotsviriridza Zvekare

    Svondo rapera dare reparamende rakazeya nyaya yekuti vadzidzisi vasingataure Ndebele vangaendeswa here kana kuti kwete kunodzidzisa munzvimbo dzinonyanyotaurwa Ndebele. Onai zvimwe

    Chikwata Chinotsigira VaMnangagwa Chodududza paHondo yeMusangano wePolitburo

    Bazi remadzimai raronga mabhazi gumi nemana kuti atakure vanhu kuenda kuHarare neChitatu. Onai zvimwe
    Live Talk

    Live Talk

    Zimbabweans living outside the country who cannot receive our broadcast signals can now listen to and participate in LiveTalk in real time. Click on the link below to listen to the LiveTalk program in progress (8:30-9:00 p.m. Zimbabwe time (1830-1900 UTC) Monday-Friday) and call our studio directly at 1-202-619-2077 to participate. Schedule: Monday-Friday Local Time: 8:30-9:00 p.m. UTC Time: 1830-1900 Duration: Weekdays: 30 minutes
    Indaba zesiNdebele

    Indaba zesiNdebele

    Ndebele 1800-1830 Monday-Friday
    English

    English

    Studio 7 has been providing Zimbabwe with objective, reliable and balanced radio news broadcasts since 2003 and has become a highly valued alternative point of reference on the airwaves for many thousands of Zimbabweans. Studio 7 covers politics, civil society, the economy, health, sports, music, the arts and other aspects of life in Zimbabwe.
    Nhau dzeShona

    Nhau dzeShona

    Nguva yeChirongwa Muvhuro-Chishanu Nguva dzeChinomwe Manheru 19:00 UTC Time: 1700 Nguva yeChirongwa 30

    Facebook