Accessibility links

Breaking News

MDC-T Yotsvukisana Ropa muBulawayo?


A poster showing opposition to Zimbabwe's President Robert Mugabe is seen at a final Movement For Democratic Change (MDC) campaign rally in Harare, July, 29, 2013.
A poster showing opposition to Zimbabwe's President Robert Mugabe is seen at a final Movement For Democratic Change (MDC) campaign rally in Harare, July, 29, 2013.

Vechidiki veMDC inotungamirwa naVaMorgan Tsvangirai vanonzi vakarwisana muBulawayo mukupera kwesvondo panguva iyo VaTsvangirai vaishanyira dunhu iri vachikurudzira vanhu kuti vasapinde musarudzo dze by elections.

VaTsvangirai vanoti vatsigiri vavo vanofanirwa kuremekedza chisungo chakabuda pakongiresi chekuti bato iri risapinde musarudzo kudzamara zvariri kuda kuti zvigadziriswe zvagadziriswa nehurumende.

Asi zvinonzi kune vamwe vakatsamwa nedanho iri, avo vanonzi vaida kuti MDC-T ikwikwidze musarudzo dzema by elections, avo vakakonzeresa mhirizhonga muBulawayo.

Mukurwisana kunonzi kwakaitika mukupera kwesvondo, vamwe vechidiki vanonzi vakakuvara zvakaipisisa, vakanorapwa. Imba yenhengo yeparamende, Muzvare Thabitha Khumalo, inonzi yakatemwa temwa nematombo.

Mapurisa emuBulawayo aramba kutaura nezvemhirizhonga inonzi yakaitika iyi, akati titaure nemutauriri wemapurisa, Amai Charity Charamba, avo takundikana kubata.

Asi mutauriri waVa Tsvangirai, VaLuke Tamborinyoka, vanoti hapana mhirizhonga yakavhiringa misangano yaVa Tsvangirai sezviri kutaurwa mumapepanhau.

please wait

No media source currently available

0:00 0:01:55 0:00
Pekupinda Napo Kuti Muone Zvamuri Kuda

Asi sachigaro wechikwata chinozviti MDC-T Veterans Activists Association, Va Swithurn Chirowodza, vanoti ichokwadi kuti vechidiki veMDC-T vakarwisana muBulawayo.

please wait

No media source currently available

0:00 0:02:03 0:00
Pekupinda Napo Kuti Muone Zvamuri Kuda

Vanoziva zviri kuitika vanoti mutevedzeri wemutungamiri weMDC, Muzvare Thokozani Khupe, ndivo vane vatsigiri vakakonzera mhirizhonga muBulawayo, sezvo Muzvare Khupe, vari mumwe wevakuru vakuru muBulawayo vaida kuti bato ravo ripinde musarudzo.

Studio7 haina kukwanisa kutaura naMuzvare Khupe kuti tinzwe divi ravo.

Asi VaTamborinyoka vanoti Muzvare Khupe munhu mukuru mubato anoziva zvinoreva zvisungo zvebato nokudaro zviri kutaurwa kuti vari kukonzeresa mhirizhonga manyepo evanhu vanoda kuti Muzvare Khupe naVaTsvangirai vapesane.

XS
SM
MD
LG