Sunday, November 23, 2014 Local time: 21:56

Nhau / Africa

COPAC Yotsvaga Rutsigiro rweMasangano Akazvimirira Referendamu Isati Yaitwa

COPACCOPAC
x
COPAC
COPAC
Irwin Chifera
Komiti yeparamende yakatungamira kunyorwa kwebumbiro idzva remitemo yenyika, yeCOPAC, yakumbira masangano anoshanda akazvimirira kuti aite chisungo chekushanda nayo mukushambadza bumbiro idzva pamwe nekukurudzira veruzhinji kuti  vatsigire bumbiro iri pareferendamu iri kutarisirwa kuitwa mwedzi unouya.

Vachitaura mushure memusangano uyu, mumwe wemasachigaro eCOPAC, VaPual Mangwana veZanu PF, vati vachashanda chete nemasangano anemaonero seakafanana neeCOPAC.

VaMangwana vatiwo masangano aya anotarisirwa kubatsirawo COPAC kudhinda mamwe magwaro nekuti akadhindiswa neCOPAC anosvika zviuru makumi mapfumbamwe ari mashoma.

Mumwe wemasachigaro eCOPAC, VaDouglas Mwonzora veMDC-T, vatiwo COPAC iri kutaura nemapurisa kuitira kuti misangano yekushambadza bumbiro isavhiringidzwe.

Kunyange hazvo VaMwonzora naVaMangwana vati masangano ese apinda mumusangano wavo aratidza chido chekushanda navo, vamwe vapinda mumusangano uyo vanoti harisi basa remasangano akazvimirira rekukurudzira veruzhinji kuti vatsigire bumbiro iri asi kuti basa rawo nderekudzidzisa veruzhinji kuti vagokwanisa kuvhota vaine ruzivo.

Nyanzvi munyaya dzezvematongerwo enyika, VaJoy Mabhenge, veInstitute for a Democractic Alternative for Zimbabwe, vanoti masangano anofanirwa kubatsira veruzhinji kuti vanzwisise zvinoreva gwaro rebumbiro idzva, kwete kuvaudza zvavanofanirwa kuita pareferendamu.

Vanoona nezvekufambiswa kwezvirongwa musangano reCrisis in Zimbabwe Coalition, VaNixon Nyikadzino, vanoti zvinonetsa kuti vabvume kushanda  neCOPAC vasati vanzwa pfungwa dzenhengo dzesangano ravo.

COPAC inoti basa rekushambadza bumbiro idzva richatanga neMuvhuro. Zimbabwe inotarisirwa kuita referendamu musi wa 16 Kurume.

Dare repamusoro rinotarisirwa kupa mutongo waro neChishanu panyaya yakakwidzwa nesangano reNational constitutional Assembly richitsutsumwa kuti nguva yakapihwa vanhu nehurumende kuti vazeye zviri mubumbiro idzva, ishoma.

You May Like

VaMagaya Vobatsira Kuvigwa kweVakafira muMbizo Stadium

VaMagaya vanoti mhuri imwe neimwe ichapihwa chiuru chimwe chete chemadhora semari yekushandisa pakuviga vashaya ava. Onai zvimwe

VaObama Vopa Mapepa Vari muAmerica Zviri Kunze kweMutemo

Vachitaura neChina manheru paterevhizheni vachiparura hurongwa hwavo, VaObama vakati vari kutora danho iri kuitira kune vaya vari munyika vasina mhosva dzavakapara vawanewo mukana wekukudza mhuri dzavo vakasununguka muAmerica. Onai zvimwe

Vhidhiyo VOA60 Africa

VOA60 Africa is a one-minute wrap of the past 24 hours' news and video from the African continent. It includes politics, weather, arts, culture and the extraordinary events that lead the headlines. Share and be informed - VOA60. Onai zvimwe

EU Inoti Hapana Chinoshamisa Mukurwisana Kuri muZanu PF

Mumiriri wenyika dzeEurope muZimbabwe, Va Philipe Van Damme, vanoti hapana chinoshamisa pane zviri kuitika muZanu PF sezvo zvichizikanwa pasi rose kuti vezvematongerwo enyika vanorwira zvigaro munguva dzakadai. Onai zvimwe
Ndebele

Ndebele

Ndebele 1800-1830 Monday-Friday
Nhau dzeShona

Nhau dzeShona

Nguva yeChirongwa Muvhuro-Chishanu

Nguva dzeChinomwe Manheru 19:00

UTC Time: 1700

Nguva yeChirongwa 30

Tererai МР3 | Windows Media

Ndebele

Ndebele

Ndebele 1800-1830 Monday-Friday
Nhau dzeShona

Nhau dzeShona

Nguva yeChirongwa Muvhuro-Chishanu

Nguva dzeChinomwe Manheru 19:00

UTC Time: 1700

Nguva yeChirongwa 30

Tererai МР3 | Windows Media


  • Nhau dzeShona
    20 min

    Nhau dzeShona

    Nguva yeChirongwa Muvhuro-Chishanu Nguva dzeChinomwe Manheru 19:00 UTC Time:...

  • Nhau dzeShona
    30 min

    Nhau dzeShona

    Nguva yeChirongwa Muvhuro-Chishanu Nguva dzeChinomwe Manheru 19:00 UTC Time:...

Facebook