Thursday, November 27, 2014 Local time: 01:28

Nhau / Africa

NCA Youdza Hurumende Kuti Ipe Vanhu Mwedzi Miviri Yekuzeya Bumbiro Idzva

Professor Lovemore MadhukuProfessor Lovemore Madhuku
x
Professor Lovemore Madhuku
Professor Lovemore Madhuku
Thomas Chiripasi
Sangano rinorwira kuti munyika muve nebumbiro idzva remitemo yenyika rinobva muvanhu, reNational Constitutional Assembly, NCA, rinoti hurumende yemubatanidzwa inofanirwa kupa zvizvarwa zveZimbabwe mwedzi miviri yekuti zviwongorore gwaro rebumbiro remitemo rakanyorwa richitungamirwa nekomiti yeparamende, yeCOPAC, pasati paendwa kureferendamu.

Vachitaura nevatori venhau pamuzinda wesangano ravo muHarare neChipiri, sachigaro veNCA, Va Lovemore Madhuku, vati zvizvarwa zveZimbabwe zvinofanira kupihwa mukana wekuti zvizeye zviri mugwaro rebumbiro idzva remitemo yenyika pasati paitwa referendamu vachiti nguva iri kutaurwa nevamwe vari muhurumende kuti referendamu inogona kuitwa mwedzi unouya kana muna Kubvumbi, ishoma zvikuru.

NCA inotiwo hurumende inosungirwa kuisa gwaro iri mundimi dzakasiyana siyana dzinotaurwa munyika kuitira kuti veruzhinji vanzwisise zviri mugwaro rebumbiro iri.
VaMadhuku vati mutemo wePublic Order and Security Act unofanirwa kusendekwa parutivi kuitira kuti vanhu vadzidziswe nezvegwaro rebumbiro iri vakasununguka.

VaMadhuku, avo vanova zvakare muzvinafundo munyaya dzebumbiro remitemo pa University of Zimbabwe, vati vachaenda kumatare edzimhosva kana zvizvarwa zveZimbabwe zvisina kupihwa mwedzi miviri yekuti zviwongorore zviri mugwaro rebumbiro iri.

Vati sangano ravo riri kuda kuti veruzhinji varambe bumbiro rakanyorwa richitungamirwa neCOPAC vachiti bumbiro iri harina  kunyorwa nenzira kwayo uye rinopa masimba akawandisa kumutungamiri wenyika.

VaMadhuku vati sangano ravo richashanda nemamwe masangano anoshanda akazvimirira pamwe nevadzidzi kuti bumbiro iri rirambwe neveruzhinji.

VaMadhuku vati sezvo sangano ravo risina mari yekuita misangano mikuru neveruzhinji, vachapinda mudzimba dzevanhu vachivakurudzira kuti varambe bumbiro iri.

Kubva pakatanga kunyorwa kwebumbiro idzva remitemo yenyika neCOPAC makore mana apfuura, NCA yakagara yataura kuti haisi kuzotsigira bumbiro iri ichigunun’una kuti mapato ezvematongerwo enyika haafanirwe kunge achitungamira chirongwa ichi.

Mapato ese ari muhurumende yemubatanidzwa anoti achatsigira gwaro rebumbiro idzva iri pachaitwa referendamu.

Muna  2000 sangano iri, richitsigirwa neMDC, rakakurudzira veruzhinji kuti varambe gwaro rebumbiro idzva rakanga ranyorwa rikazopedzisira rarasa zvakanga zvabva muvanhu, izvo zvakaita kuti risatambirwe pareferendamu yekutanga kubva Zimbabwe yatanga kuzvitonga muna 1980.

You May Like

Veruzhinji Vanoti Amai Mujuru Vapedzwa

Zvichitivera kutadza kuwana chigaro mudare reZanu PF central committee, veruzhinji vanoti hupenyu mubato iri hwemutevedzeri wemutungamiriri wenyika, Amai Joice Mujuru, hwave parumananzombe. Onai zvimwe

Amai Holland naVaNcube Vofanobata Matomu mu United MDC

MDC inotungamirwa naVa Welshman Ncube yabatana neChitatu zviri pamutemo neMDC Renewal Team mukuumbwa kwebato idzva riri kudaidzwa kuti United MDC. Onai zvimwe

Vhidhiyo VOA60 Africa

VOA60 Africa is a one-minute wrap of the past 24 hours' news and video from the African continent. It includes politics, weather, arts, culture and the extraordinary events that lead the headlines. Share and be informed - VOA60. Onai zvimwe

Harare Residents Trust Inoramba Hurongwa hweMamita eKutenga Mvura

Sangano reHarare Residents Trust rinoti harisi kutambira hurongwa hunonzi huri kuda kuitwa nekanzuru yeHarare, hwekuisa mamita emvura mudzimba kuitira kuti vanhu vahhadhare mvura vasati vaishandisa Onai zvimwe
LiveTalk

LiveTalk

Zimbabweans living outside the country who cannot receive our broadcast signals can now listen to and participate in LiveTalk in real time. Click on the link below to listen to the LiveTalk program in progress (8:30-9:00 p.m. Zimbabwe time (1830-1900 UTC) Monday-Friday) and call our studio directly at 1-202-619-2077 to participate.

Schedule:

Monday-Friday

Local Time: 8:30-9:00 p.m.

UTC Time: 1830-1900

Duration: Weekdays: 30 minutes

 

Ndebele

Ndebele

Ndebele 1800-1830 Monday-Friday
Studio 7

Studio 7

Studio 7 for Zimbabwe provides comprehensive and reliable radio news seven days a week on AM, shortwave and satellite
 

Schedule: Monday-Friday, 7:00-9:00 p.m., Saturday-Sunday, 7:00-8:00 p.m., on Intelsat 10 repeats M-F 9-11 p.m.

Local Time: 7-9 p.m.

UTC Time: 1700-1900

Duration: Weekdays: 2 hours; Weekends: 1 hour

Listen: MP3

Nhau dzeShona

Nhau dzeShona

Nguva yeChirongwa Muvhuro-Chishanu

Nguva dzeChinomwe Manheru 19:00

UTC Time: 1700

Nguva yeChirongwa 30

Tererai МР3 | Windows Media


Facebook