Mutungamiri weMDC T VaMorgan Tsvangirai vanoti bato ravo richaongorora nyaya yekuti vechidiki vebato ravo vakanetsana pakuvigwa kwevaive mumiriri weNkulumane, VaThamsanqa Mahlangu.
Vashandirwi vari kupikisa mutemo wemabasa uchangobva kuvandudzwa weLabour Amendment Act vobatana nesangano revashandirwi reEmployers Confederation of Zimbabwe, EMCOZ kukwikwidza mutemo uyu kumatare.
Zimbabwe Investment Authority inoramba mashoko ekuti muzvinabhizimusi wekuNigeria VaAliko Dangote havachadi zvekuita mabhizimusi munyika.
Muchirongwa chedu cheLiveTalk che The Connection na 8:30pm tiri kutarisa mararamiro anoita vechidiki kumaruwa.
Iyi ndiyo mimwe yemisoro yenhau dzedu dzanhasi...... Munotibata pa 909 AM, kana pa 12080, ne 15460 Kilohertz paShortwave kana paFacebook peji redu reVOAShona.
