Nhengo dze paramende dzinoramba kutambira kurudziro yemutungamiri wenyika VaRobert Mugabe yekuda kuti vatambire Statutory Instrument 77 OF 2015, iyo yaizopa mutungamiri wenyika kushandisa masimba avo kuti hurumende itore chikwereti chePSMAS chinosvika mamiriyoni zana nemakumi mana nemana emadhora.
Vaive mabharani wekanzuru yeguta reBulawayo, VaMiddleton Nyoni vanovigwa nhasi kumarinda ari muBulawayo.
Vagari vekuBinga votambira nemufaro hurongwa hwehurumende hwekuti mutauro wavo weTonga uchidzidziswa muzvikoro sezviri mubumbiro remitemo yenyika.
Mutambo mukuru weZimbabwe Film Festival wotarisirwa kutanga muHarare mangwana.
Muchirongwa cheLiveTalk na 8:30 pm tiri kutarisa nezvedanho redare reparamende rekuramba kutambira kurudziro yemutungamiri wenyika VaRobert Mugabe yekuti vatambire Statutory Instrument 77 OF 2015, iyo yaizopa mutungamiri wenyika kushandisa masimba avo kuti hurumende itore chikwereti chePSMAS chinosvika mamiriyoni zana nemakumi mana nemana emadhora.
Iyi ndiyo misoro yenhau dzedu dzanhasi...munotibata pa 909 AM, 4930, kana pa 12080, ne 15460 KiloHertzs pa ShortWave kana paFacebook page yedu yeVOAShona.
