Accessibility links

Breaking News

Mapato Anopikisa Obuda neChisungo paNyaya yeShanduko neSarudzo


VaMorgan Tsvangirai
VaMorgan Tsvangirai

Mapato ezvematongerwo enyika gumi nemashanu anopikisa hurumende anonzi ari kutarisirwa neChitatu kunyorerana chibvumirano chekuti akurudzire kuti munyika mutange mave neshanduko munyaya dzemitemo ine chekuita nesarudzo pasati paitwa sarudzo.

Mutauriri weMDC T, VaObert Gutu, vanoti hurongwa uhwu huchaitirwa paAnglican Cathedral muHarare nenguva dzegumi mangwanani.

VaGutu vanoti zvimwe zvezvinhu zvavachakurudzira kuti zvivandudzwe inyaya dzemitemo yezvekuburitswa kwemashoko, mashandiro eZimbabwe Electoral Commission, ZEC, mapurisa, mauto pamwe nevasori munguva dzesarudzo.

Asi mamwe mapato anopikisa akaita seRenewal Democrats of Zimbabwe rinotungamirirwa naVaElton Mangoma, nePeople’s Democratic Party rinotungamirirwa naVaTendai Biti, akatozivisa kare kuti haasi muhurongwa uhwu.

Mutauriri webato reNational Constitutional Assembly, VaMadock Chivasa, vanoti bato ravo rakabudawo muhurongwa uhwu kunyange hazvo vakanga vambotanga vakabatana nevamawe.

VAChivasa vanoti vakatadza kuwirirana mumanyorerwo anofanirwa kuitwa gwaro ravo, sezvo ivo vakaona sekunge rakanyanya kuoma rakanangana nemapoka akaita seZEC, mapurisa pamwe nevasori.

“Isu tichiri bato idzva saka takaona kuti hatingabva tangotanga takada kuomesa mwoyo,” vanodaro VaChivasa.

Vanoti sebato vachashandawo kuti vaone kuti vasvitsa voga zvichemo zvavo zvavanenge vachida kuti zvishandurwe.

please wait

No media source currently available

0:00 0:01:32 0:00
Pekupinda Napo Kuti Muone Zvamuri Kuda

Asi VaGutu vanoti hapana chikuru chishashanduka kubva muhurongwa hwavo kunyange hazvo NCA yabuda kubva mugungano iri.

“Nhaurirano dzichiri kuenderera mberi nekuti kubuda kweNCA hakusi iko kuguma kwehurongwa hwedu,” vanodaro VaGutu.

please wait
Embed

No media source currently available

0:00 0:01:33 0:00
Pekupinda Napo Kuti Muone Zvamuri Kuda

XS
SM
MD
LG