Accessibility links

Breaking News

Kanzuru yeHarare Yovimbisa Vagari Kuwana Mvura


Kanzuru yeHarare inoti veruzhinji vanofanirwa kunge vave kuwana mvura mumazuva matatu anotevera.

Asi vamwe vagari vatanga kuwana mvura neMuvhuro.

Kanzuru yakadzima mvura muguta reHarare kubva neChishanu kusvika musi weSvondo kuitira kuti mapombi ekuMorton Jeffrey Water Works agadzirwe.

Mukuru webazi rezvehutano mukanzuru ye Harare, Dr Prosper Chonzi, vanoti veruzhinji vanofanirwa kufashaidza mvura ichange ichibuda mumapombi vasati vainwa sezvo iri kutanga kubuda isina kunyatsochena.

Kanzuru yakaita basa iri pasi pechirongwa chemari inosvika $144 million yakabva kuChina kuti igadzirise dambidziko remvura ranetsa muguta.

VaChonzi vanoti zvakakosha kuti veruzhinji varambe vachitevedzera tsika dzehutsanana panguva iyo pombi dzemvura dziri kugadzirwa nekuramba vachifashaidza mvura yekunwa nezvimwewo.

please wait

No media source currently available

0:00 0:02:02 0:00
Pekupinda Napo Kuti Muone Zvamuri Kuda

XS
SM
MD
LG