Saturday, November 22, 2014 Local time: 23:35

Nhau / Kodzero-dzevanhu

VaMugabe Vokurudzirwa Kudimbura Zororo Ravo Kuti Vagadzirise Zviri Kunetsa.

x
Blessing Zulu
Mutungamiri wenyika, VaRobert Mugabe, vakabuda munyika neChina vakananga kumabudazuva kunoita zororo ravo repagore. Izvi vanozviita gore rega rega mumwedzi waNdira.

Asi dzimwe nyanzvi munyaya dzezve matongerwo enyika dzinoti VaMugabe havaifanirwa kubuda munyika vachisiya zvinhu zvakaita sebumbiro idzva remitemo nezvimwe zviri kudiwa kuti sarudzo dziitwe gore rinouya zvisati zvapera.

Mutauriri waVaMugabe, VaGeorge Charamba, vakaudza vatori venhau kuti VaMugabe vainge vabuda munyika, uye mutevedzeri wavo, Amai Joice Mujuru, ndivo vachange vakabata chigaro chavo.

Bato reZanu-PF raimbenge rati kana bumbiro risina kupera nemusi wekisimusi, raizoti VaMugabe vatare zuva resarudzo vomisa paramende basa. 

Vamwe vanoti uku kwaive kungotaura, asi VaCharamba vanoti hapana chinomisa VaMugabe kuita izvi kunyange vari pazororo.

Pane zvinhu zvakati wandei zviri kutadzisa bumbiro kupera zvakaita sekuendesa masimba kumatunhu, kuvandudza mitemo ine chekuita nevanodzivirira nyika, mabasa ematare, masimba emutungamiri wenyika nezvimwe zvisiri kuwiriranwa.

Komiti yemakurukota nenhengo dzeparamende yakasangana neChina, asi haina kukwanisa kuwirirana.

Sachigaro wekomiti iyi, uye vari gurukota rezvebumbiro nemabasa eparamende, VaEric Matinenga, vanoti vakadzorera misariridzwa kumapato kuti ambozeyazve.

Kuenda kwaVaMugabe kuzororo zvinhu zvakaita manyama amire nerongo hakusi kufadzawo masangano akazvimirira.

Vanoona nezvekufambiswa kwemabasa kuchamhembe kweAfrica musangano reCrisis in Zimbabwe Coalition, VaPhillan Zamchiya, vanoti VaMugabe vanofanira kuzodzoka kumusha nechimbichimbi kuti vagadzirise nyaya dziri kunetsa dzinotadzisa kuti sarudzo yakachena iitwe.

Hurukuro naVaEric Matinenga
Hurukuro naVaEric Matinengai
|| 0:00:00
...    
🔇
X

Hurukuro naVaPhillan Zamchiya
Hurukuro naVaPhillan Zamchiyai
|| 0:00:00
...    
🔇
X

You May Like

VaMagaya Vobatsira Kuvigwa kweVakafira muMbizo Stadium

VaMagaya vanoti mhuri imwe neimwe ichapihwa chiuru chimwe chete chemadhora semari yekushandisa pakuviga vashaya ava. Onai zvimwe

VaObama Vopa Mapepa Vari muAmerica Zviri Kunze kweMutemo

Vachitaura neChina manheru paterevhizheni vachiparura hurongwa hwavo, VaObama vakati vari kutora danho iri kuitira kune vaya vari munyika vasina mhosva dzavakapara vawanewo mukana wekukudza mhuri dzavo vakasununguka muAmerica. Onai zvimwe

Vhidhiyo VOA60 Africa

VOA60 Africa is a one-minute wrap of the past 24 hours' news and video from the African continent. It includes politics, weather, arts, culture and the extraordinary events that lead the headlines. Share and be informed - VOA60. Onai zvimwe

EU Inoti Hapana Chinoshamisa Mukurwisana Kuri muZanu PF

Mumiriri wenyika dzeEurope muZimbabwe, Va Philipe Van Damme, vanoti hapana chinoshamisa pane zviri kuitika muZanu PF sezvo zvichizikanwa pasi rose kuti vezvematongerwo enyika vanorwira zvigaro munguva dzakadai. Onai zvimwe
Ndebele

Ndebele

Ndebele 1800-1830 Monday-Friday
Nhau dzeShona

Nhau dzeShona

Nguva yeChirongwa Muvhuro-Chishanu

Nguva dzeChinomwe Manheru 19:00

UTC Time: 1700

Nguva yeChirongwa 30

Tererai МР3 | Windows Media

LiveTalk

LiveTalk

Zimbabweans living outside the country who cannot receive our broadcast signals can now listen to and participate in LiveTalk in real time. Click on the link below to listen to the LiveTalk program in progress (8:30-9:00 p.m. Zimbabwe time (1830-1900 UTC) Monday-Friday) and call our studio directly at 1-202-619-2077 to participate.

Schedule:

Monday-Friday

Local Time: 8:30-9:00 p.m.

UTC Time: 1830-1900

Duration: Weekdays: 30 minutes

 

Ndebele

Ndebele

Ndebele 1800-1830 Monday-Friday

Facebook