Saturday, May 18, 2013 Local time: 16:47
Audio menu
Audio Nhau dzeShona 1700
Audio Studio 7 for Zimbabwe
Audio Indaba

Nhau / Africa

Hurumende Inoisa Mamiriyoni Gumi neMashanu eMdhora Muhomwe yeVarimi veChibage

ChibageChibage
x
Chibage
Chibage
TEXT SIZE - +
Irwin Chifera

13.11.2012

HARARE — Hurumende yapa bhanga rayo reAgribank madhora mamiriyoni gumi nemashanu. Mari iyi ichakwereteswa varimi vechibage senzira yekuona kuti nyika yawana chibage chinokwanira vanhu vese.

Mukuru weAgribank, VaSam Malaba, vati mari iyi ichakwereteswa kuvarimi vemumapurazi makuru vanokwanisa kuzodzora mari yavanenge vakwereta.

Vati  sezvo varimi vange vari kuchema chema kuti  mabhanga ari kuvakweretesa mari nemutengo uri pamusoro soro vachafarira mari iri kupihwa nebhanga ravo nekuti ine mutengo wepasi we4.5% chete.

VaMalaba vati varimi vanokwanisa kuwana mari iyi kumabhanga avo munyika yese kutanga neChitatu. Asi vatiwo vanotanga vaongorora kuti murimi anokodzera here kupihwa mari  nekundooona minda yake uye kuti akagadzirira kurima zvakadiyi.

Vati murumi mumwe achapihwa zana rezviuru zvemadhora. Asi vati mari iyi inogona kuwedzerwa zvichiendarana nekuti varimi vangani vanenge vakumbira kubhanga ravo.

Vati kunze kwechirongwa chekutsigira kurimwa kwechibage, bhanga ravo richishanda ne bhanga reFBC riri kubatsira  pakurimwa kwezvirimwa zvakaita sefodya, bhinzi, nzimbe pamwe nekuchengetwa kwemombe nemari inodarika mamiriyoni manomwe emadhora.

Chirongwa chaparurwa neChipiri ndechimwe chezvirongwa zvizhinji zviri kuitwa nehurumende  mukusimudzira mabasa ekurima munyika.

VaMalaba vati hupfumi hweZimbabwe hunorarama zvikuru nezvirimwa uye kana mabasa ekurima akasabudirira, mamwe maindasitiri  haafambi zvakanaka izvo zvinozotadzisa kubudirira kwehupfumi hwenyika.

Sachigaro wekomiti yeparamende inoona nezvekurima, VaMoses Jiri, vati mari yaiswa parutivi  nehurumende  yekusimudzira kurimwa kwechibage ishoma sezvo fotireza, mbeu nemishonga yekurimisa zviri kudhura.

Zimbabwe iri kuramba ichitadza kurima chibage chinoikwanira zvisinei nekuti yakabvuta minda kubva kuvarimi vechichena muchirongwa chekuendesa ivhu kuvanhu vatema.

Varimi ava, vazhinji vavo vakaenda kunyika dzakapoteredza Zimbabwe, izvo zviri kupa kuti nyika itenge chibage kunyika dzakaita seZambia.

Studio 7

Chirongwa

Facebook

 

Most Popular