Accessibility links

Breaking News

Zimbabwe Yobatana neAfrican Union Ichirangarira Zuva reHIV/AIDS


Zimbabwe inoti iri kufara sezvo gore rino ichange ichikokera hurongwa hwekucherechedza zuva revanorarama ne HIV/AIDS pasi rose.

Zimbabwe ichange ichimirirwa muchirongwa ichi nesangano re National Aids Council of Zimbabwe.

Sangano re African Union richabatana neZimbabwe nedzimwe nyika dzemu Africa muchirongwa chichaitwa musi wa 1 Zvita kuVictoria Falls.

Zuva re International Aids Day rinocherechedzwa pasi rose musi wa 1 Zvita.

Vanoona nezvekufambiswa kwemashoko musangano re National Aids Council of Zimbabwe, Muzvare Madeline Dube, vanoti nyika ine zvizhinji zvayaita muzvirongwa zvekurwisa kupararira kwehutachiwona hwe HIV.

Muzvare Dube vanoti vachange vcachipangana mazano nemamwe masangano emuAfrica panzira dzekurwisa dambudziko iri.

Muzvare Dube vanotiwo musangano mukuru uyu uchaitirwa kuVictoria Falls kuitira kuti vashanyi vawanewo mukana wekuona nzvimbo dzinoyevedza munyika.

please wait

No media source currently available

0:00 0:02:41 0:00
Pekupinda Napo Kuti Muone Zvamuri Kuda

XS
SM
MD
LG