Sunday, May 19, 2013 Local time: 22:08
Audio menu
Audio Nhau dzeShona 1700
Audio Studio 7 for Zimbabwe
Audio Indaba

Nhau / Africa

America Inopa Zimbabwe $60M yeKurwisa HIV/AIDS

Ambassador Bruce WhartonAmbassador Bruce Wharton
x
Ambassador Bruce Wharton
Ambassador Bruce Wharton
TEXT SIZE - +
Thomas Chiripasi

13.02.2013

HARARE — America yapa Zimbabwe mari inoita mamiriyoni makumi matanhatu emadhora iyo ichashandiswa mukurwisa dambudziko re HIV/AIDS muvana vadiki.

Hurumende yeAmerica, kubudikidza nechirongwa chemutungamiri wenyika iyi chekurwisana neHIV/AIDS che President’s Emergency Plan For AIDS Relief, kana PEPFAR, yapa Zimbabwe mari inoita mamiriyoni makumi matanhatu emadhora  ichashandiswa mukurwisana nekutapurirwa kwehutachiwana hunokonzera chirwere cheshuramatongo kubva kumadzimai kuenda kuvana munguva yekusununguka.

Vachitaura pakusvitswa kwemari iyi, iyo ichashandiswa kwemakore mashanu, mumiriri we America muZimbabwe, Ambassador Bruce Wharton, vati hurumende yavo yakazvipira kubatsirana neZimbabwe mukurwisana nedambudziko reHIV/AIDS.


Ambassador Wharton vati hupenyu hweveruzhinji hwakakosha zvikuru nokudaro vati zvakakosha kuti hurumende dzepasi rose dzichengetedze hutano hwevanhu.

Gurukota rezvehutano, VaHenry Madzorera, vatiwo vafara zvikuru sehurumende neruyamuro rwavapihwa nehurumende ye America.

VaMadzorerera vati zvaitwa neAmerica izvi zvichaita kuti vanhu vasarasikirwe nehupenyu nguva isati yakwana.

Mari yapihwa Zimbabwe neAmerica pasi pechirongwa chiri kudaidzwa kuti Families and Communities for the Elimination of Pediatric HIV in Zimbabwe, inonzi ichashandiswa mukuedza kuri kuitwa nehurumende kuderedza kutapuriranwa kwehutachiwana kubva mumadzimai kuenda kuvana kubva pazvikamu gumi nezvina kubva muzana, kusvika kuzvikamu zviri pasi pezvishanu kubva muzana panosvika gore ra 2015 pamwe nekuwaniswa kwemapiritsi anonwiwa nevanhu vanorarama nehutachiwana kumadzimai akazvitakura.

Zvichakadai, sangano reUNICEF rapa bazi rezvehutano mibhedha yevana vadiki zana ichashandiswa muzvipatara mukuedza kurwisana nekufa kunoita vana panguva yekuzvarwa.

Bazi iri ratambidzawo motokari makumi matatu neina kubva muhomwe ye Health Transition Fund dzichashandiswa mukusimbaradzwa kwenyaya dzezvehutano.

Studio 7

Chirongwa

Facebook

 

Most Popular