Wednesday, May 22, 2013 Local time: 21:59
Audio menu
Audio Nhau dzeShona 1700
Audio Studio 7 for Zimbabwe
Audio Indaba

Nhau / Africa

Zimbabwe Inocherechedza Zuva reVanasikana Pasi Rose

x
TEXT SIZE - +
Thomas Chiripasi

11.10.2012

HARARE — Zimbabwe yabatana nenyika dzepasi rose mukucherechedza zuva rekuremekedzwa kwekodzero dzevanasikana iro racherechedzwa kekutanga pasi rose neChina.

Vachitaura pachiitiko ichi chaitirwa kuChitungwiza, mudzimai wemutungamiri wehurumende, VaMorgan Tsvangirai, Amai Elizabeth Tsvangirai,  vakurudzira vanasikana kuti vawaniswe mukana wekudzidza zvinozoita kuti vasakurumidze kuroorwa.

Amai Tsvangirai vati vanasikana kana vakadzidza zvakakomba zvinobatsira mukusimudzirwa kwevanhukadzi pasi rose.

Amai Tsvangirai vakurudzira madzimai kuti agare achipangana mazano nevanasikana vavo kuitira kuti vanasikana vasatyorerwe kodzero dzavo.

Izvi zvatsinhirwa nemutungamiri wesangano re Girl Child Network mu Zimbabwe, Amai Edna Masanga.

Amai Masanga vati kubva muna Kubvumbi wegore rapera kusvika muna Kubvumbi wegore rino, sangano ravo ratambira nyaya dzinodarika zviuru zvina dzevanasikana vari kutyorerwa kodzero dzavo zvinosanganisira kubatwa chibharo pamwe nekusaendeswa kuchikoro.

Zuva rekucherechedzwa kwekodzero dzemwanasikana rakasendekwa parutivi ne United Nations uye ratanga kucherechedzwa neChina pasi rose.

This forum has been closed.
Comments
     
There are no comments in this forum. Be first and add one

Studio 7

Chirongwa

Facebook

 

Most Popular