Mugovera, Kukadzi 13, 2016 Local time: 19:06

    Nhau / Africa

    Britain neAustralia Dzobatsira Varimi neMamiriyoni Gumi neRimwe eMadhora

    Munda wechibageMunda wechibage
    x
    Munda wechibage
    Munda wechibage
    Irwin Chifera
    Britain neAustralia dzapa mari inoita madhora mamiriyoni gumi nerimwe nechidimbu yekubatsira varimi vekumaruwa kuitira kuti vatenge mbeu nezvimwe zvinodiwa. Mari iyi yapihwa pasi pechirongwa chesangano rinoona nezvekusimudzirwa kwechikafu pasi rose, reFood and Agricultural Organisation, kana kuti FAO.

    Bazi remuBritain, rinoona nezvebudiriro kunze kwenyika iyi, re Department for International Development, kana kuti DFID, rabvisa madhora mamiriyoni manomwe nechidimbu, ukuwo bazi rekuAustralia re Australian Agency for International Development, kana kuti AusAID, rapawo madhora mamiryoni mana kuchirongwa ichi chichabatsira varimi zviuru makumi matanhatu munzvimbo dzine nzara munyika.

    Vachiparura chirongwa ichi muHarare neChitatu, mukuru weFAO muZimbabwe nedunhu rekuchamhembe kweAfrica, VaGaoju Han, vati chirongwa ichi chichawedzera goho revarimi vemumaruwa izvo zvichaderedza nzara munzvimbo idzi.

    Pasi pechirongwa ichi, varimi zviuru makumi  mana vachabatsirwa nembeu uye ivo vachabvisawo madhora makumi matatu kupinda muchirongwa ichi. Mukuru weDFID muZimbabwe, Amai Jane Rintoul, vatiwo chirongwa ichi chakanangana nekuderedza huwandu hwevahu vanoda rubatsiro rwechikafu muZimbabwe.

    Mumiriri weAustralia muZimbabwe, VaMatthew Neuhaus,  vati nyika yavo inoda kubatsira Zimbabwe munyaya dzekurima uye kuti nyika iyi idzoke kuve dura  rekuchamhembe kweAfrica.

    Munyori mubazi rezvekurima, VaNgoni Masoka, vatenda chirongwa ichi vachiti chichabatsira zvirongwa zvebazi ravo zvekusimudzira mabasa ekurima.  
    FAO ndiyo ichaona kuti chirongwa ichi chichafamba sei. Varimi vanotarisirwa kutanga kuwana rubatsiro pakati paGumiguru.

    Chirongwa ichi chichabatsira vanhu kubva kumatunhu madiki makumi maviri muManicaland, Mashonaland East, Mashonaland West, Masvingo, Midlands, Matabeleland North neMatabeleland South.

    Britain neAustralia dzinoti gore rinouya dzichaparura chirongwa chemakore mana chekusimudzira mabasa ekurima muZimbabwe.

    Masvondo maviri apfuura, gurukota rezvemari, VaTendai Biti, vakati hurumende iri kutsvaga mari inodarika zana remamiriyoni emadhora yekubatsira varimi kutenga mbeu nezvimwe pamwe nekusimudzira mabasa ekupfuya mombe. Vakati vachataura nemasangano anoshanda akazvimiririra pamwe nemabhanga kuti abatsire varimi.

    You May Like

    VaChris Mutsvangwa Vodzingwa muZanu-PF

    VaMutsvangwa nevamwe vavo vari kupomerwa mhosva yekusaremekedza mutungamiri weyika VaRobert Mugabe nemudzimai wavo Amai Grace Mugab Onai zvimwe

    Senator Hlalo Vanodzingwa muMDC-T

    VaSibanda vanoti VaHlao vakapihwa mukana wekuuya kuzozvichenura kudare reNational Couuncil asi vakaramba. Onai zvimwe

    VaTsvangirai Vanoramba Vachikwezva Chaunga kuMisangano Yavo kuMasvingo

    Munyori mukuru muMDC-T VaDouglas Mwonzora vaudza Studio 7 kuti vanhu vakawanda vakauya pamusangano wakaitirwa paNgundu Growth Poi Onai zvimwe

    Gonzo naChin'ai Zvotosvorana: Amai Mugabe Vonetsana naVaMnangagwa

    VaMngangagwa vanonzi ndevamwe vevari muZanu PF varikuda kutora chigaro chemutungamiri wenyika VaRobert Mugabe kana vachinge vabva pachigaro. Onai zvimwe

    Chicken Inn Yokweshana neSundowns yekuSouth Africa muCAF Champions League

    Mutsigiri weChicken Inn VaLevison Ndudzo vanoti chikwata chavo chinokwanisa chete kukanganisa Khama Billiat kuti asatambe semazuva ese vanokunda. Onai zvimwe

    This forum has been closed.
    Comments
         
    Hapana apawo maonero ake. Iva wekutanga kupa muonero wako

    Facebook