Accessibility links

Breaking News

Mapato Anopikisa VaMugabe Okurudzirwa Kubatana Kuti Akunde Musarudzo


This composite image shows one of the clusters, NGC 2024, which is found in the center of the so-called Flame Nebula about 1,400 light years from Earth. In this image, X-rays from Chandra are seen as purple, while infrared data from NASA's Spitzer Space Telescope are colored red, green, and blue. Astronomers have studied two star clusters and the results show that the simplest ideas for the birth of these clusters cannot work.
This composite image shows one of the clusters, NGC 2024, which is found in the center of the so-called Flame Nebula about 1,400 light years from Earth. In this image, X-rays from Chandra are seen as purple, while infrared data from NASA's Spitzer Space Telescope are colored red, green, and blue. Astronomers have studied two star clusters and the results show that the simplest ideas for the birth of these clusters cannot work.
Apo Zimbabwe yotarisana nesarudzo dzakakosha gore rinouya, vamwe munyika vave kukurudzira mapato anopikisana neZanu-PF kuti abatane kana achida kukunda zvine mutsindo mutungamiri weZanu PF, VaRobert Mugabe, musarudzo yemutungamiri wenyika.

Vamwe vakuru vemapato muMDC inotungamirwa naVaMorgan Tsvangirai, pamwe ne MDC inotungamirwa naVaWelshman Ncube, vatanga kutaura zvakakoshera kuumba chibvumirano chekuti vaite muonera pamwekuitira kuti vakunde Zanu-PF nemutungamiri wayo.

Vachitaura kuManchester University kuEngland mukutanga kwemwedzi uno, munyori mukuru weMDC-T, VaTendai Biti, vakati kuti bato ravo ribatane neraVaNcube, zvinonetsa, asi zvinoda kuti vaite chibvumirano chekuti vashande vose vodoma mutungamiri mumwe chete anokwikwidzana musarudzo naVaMugabe.

VaBiti vanoti moyo wavo unorwadza kuti nekusabatana kwavakaita muna 2008, zvakapa kuti VaTsvangirai vagume voita sarudzo yechipiri naVaMugabe yemutungamiri wenyika iyo isina kuzoitwa nenyaya yemhirizhonga.

Senator David Coltart vebato veMDC-N, vanotiwo kunyange mapato aya achiita kunge makara asionane, zvakakosha kuti vashande pamwe chete kuitira kuti vakunde VaMugabe.

Asi VaNcube mbune vanoti kunyange hazvo zvakakosha kuti vashande pamwe chete, zvinhu zvakaoma nekuti hapachina nguva uye zvakamboyedzwa zvikatadza kubudirira.

Kubva zvakapatsanurwa MDC muna 2005, pakamboyedzwa kuti zvikwata zviviri izvi zvibatane asi zvose zvakakona n’anga murapwa achida.

Asi munyika dzakaita seZambia, Kenya, Lesotho nedzimwe dziri muAfrica, mapato anopikisa ari kushanda pamwe kuitira kuti akwanise kunge achikunda musarudzo. Izvi ndizvo zvimwe zvakaitika kunyika dzakaita seBritain neIsrael.

Asi vamwe vanotiwo hazvibatsire kuyedza kumanikidza vanhu kubatana ivo vakasiyana sechiyedza nerima.

Mutauriri weMDC-T, VaDouglas Mwonzora, vanoti vane chido chekuti vanopikisa vabatane.

Ukuwo mutauriri weMDC-N, VaNhlanhla Dube, vanoti kubatana kwakanaka asi pane zvakawanda zvinoda kuitwa.

please wait

No media source currently available

0:00 0:06:16 0:00
Pekupinda Napo Kuti Muone Zvamuri Kuda
XS
SM
MD
LG