China, Kukadzi 11, 2016 Local time: 12:38

    Nhau / Africa

    Vamwe Vagari vekwaMutare Vanoti Havasati Vaona Gwaro reBumbiro Idzva

    x
    Loirdham Moyo
    Vamwe vagari vekwaMutare vanoti havasati vawana mukana wekuti vazive zviri mugwaro rebumbiro idzva iro richaendeswa kureferendamu mwedzi unouya.

    Izvi zvabuda pamusangano waitwa maMutare wekuzeya zviri mugwaro rebumbiro idzva, uyo wange wakarongwa nesangano re Churches in Manicaland.

    Vachitaura pamusangano uyu, mumwe mugari wemaMutare, uye vari nhengo yeAnglican Church, Reverand Abel Waziweyi, vati bumbiro idzva rinofanirwa kushambadzirwa kuvanhu uye kuti ringe riri mururimi rwaamai.

    Mumwe mugari wekwaOdzi apindawo mumusangano uyu, VaAlfred Chipuka, vatiwo ivo nevamwe vavo havasati vawana gwaro rebumbiro iri, izvo vati zvichaita kuti zvinetse kuti vanhu vacharivhotera sei.

    Mumwe mudzidzi wepa Mutare Polytechnic, VaEdward Manono, vanoti veCOPAC vanofanirwa kuwedzera huwandu hwemabhuku egwaro rebumbiro idzva, kuitira kuti vanhu vakawanda vazive zviri mugwaro iri.

    Vachitaurawo pamusangano uyu, muzvinafundo munyaya dzemitemo, uye vari sachigaro veNational Constitutional Assembly, VaLovemore Madhuku, vatiwo kusavapo kweruzivo rwakazara pabumbiro idzva hazvivatadzisi kuti vakurudzire veruzhinji kuti vasarivhotere pareferendamu.

    Asi mumwe wemasachigaro eCOPAC, VaDouglas Mwonzora, vati havanei nezviri kuitwa neVaMadhuku nesangano ravo. VaMwonzora vati VaMadhuku vakasununguka kusavhotera bumbiro idzva iri. Asi vati vana veZimbabwe vanoziva zvavanodira bumbiro idzva richaendeswa kureferendamu musi wa 16 Kurume.

    Musangano uyu wapindwa nevamiriri vemachechi akasiyana-siyana, vatori venhau, vadzidzi, vemasangano akazvimirira oga, vagari vemaMutare, vemabhizinesi pamwe nevatsigiri vemapato ezvematongerwo enyika.

    You May Like

    Vagari vekuMasvingo Vanoti Vomanikidza kuBhadhara Mari yeBhavhudhe raVaMugabe

    Mutungamiriri we sangano rinomiririra vadzidzisi re Progresive Teachers Union of Zimbabwe(PTUZ) VaTakavafira Zhou vati hofisi yavo yanzwa nekutambira mashoko aya kubva ku nhengo dzavo. Onai zvimwe

    Sangano reMapurisa neMauto reJoint Operation Command Rodaidzira Hurukuro neSangano Riri Kuronga Kufora paValentine's Day

    Rimwe sangano rinorwira kodzero dzevanhu, reZimbabwe Activists Alliance rinoti rino katyamadzwa nedanho ratorwa nemapurisa rekushevedza nhengo dzaro kumusangano weJoint Operation Command kana kuti JOC, uyo unonzi uchaitwa neChina masikati Onai zvimwe

    VaMnangagwa naVaCharamba Vofumurwa KuMusangano weZanu-PF Politburo

    Mumiriri weHurungwe East mudare reparamende amai Sarah Mahoka vatiwo VaMnangagwa havafanire kuita kunge dhakisi vachitadza kutsiura vatsigiri vavo avo vanzi vave kunetsa vamwe vatsigiri mubato nenyaya yekuda chigaro. Onai zvimwe
    Live Talk

    Live Talk

    Zimbabweans living outside the country who cannot receive our broadcast signals can now listen to and participate in LiveTalk in real time. Click on the link below to listen to the LiveTalk program in progress (8:30-9:00 p.m. Zimbabwe time (1830-1900 UTC) Monday-Friday) and call our studio directly at 1-202-619-2077 to participate. Schedule: Monday-Friday Local Time: 8:30-9:00 p.m. UTC Time: 1830-1900 Duration: Weekdays: 30 minutes

    Facebook