Chipiri, Kukadzi 09, 2016 Local time: 09:26

    Nhau / Africa

    VaRuhanya Vanoti Masangano Akazvimirira Asaodzwe Moyo neMapurisa

    x
    Irwin Chifera
    Sangano ravana chipangamazano rinorwira kuti muZimbabwe muve nehutongi hwejekerere, reZimbabwe Democracy Institute, ZDI, rinoti masangano ose ari munyika anoshanda  akazvimirira haafaniri kuwodzwa moyo nekushungurdzwa kwaari kuitwa nemapurisa.

    Sangano iri rinoti masangano aya anofanirwa kubatana oenderera mberi nebasa rekuona kuti munyika mave nehutongi hwejekerere.

    Izvi zviri mugwaro raburitswa nesangano iri rakanzi "Deception".  Gwaro iri rinoti vemasangano aya vanofanira kuita musangano wechimbichimbi wekuona kuti vangashanda sei panguva ino apo zvinhu zvaoma uye kutsvaga nzira dzekuderedza mukana wekusungwa.

    Vachitaura pamusoro pegwaro iri, mukuru weZDI, VaPedzisayi Ruhanya, vati  zviri pachena kuti mamwe emasangano aya akapindwa nevasori izvo zvave kukonzera kuti agare achishungurudzwa.

    Gwaro iri raburitsawo pachena kuti mamwe masangano aya ave kuitawo basa akapfeka nguwani dzemasangano ezvematongerwo enyika izvo  rati izvi hazvina kunaka.

    Gwaro iri rinotiwo hapana chinonyanyoshamisa pane zviri kuitika pari zvino richiti muna Mbudzi gore rapera, mapurisa anenyembe dzepamusoro soro, kusanganisira mukuru wemapurisa, VaAugustine Chihuri, vakaita musangano apo akati ainge asiri kufara nemabasa emasangano aya ayo vakati anokanganisa sarudzo dzakatarisirwa kuitwa gore rino.

    VaRuhanya vati Zanu PF yatotanga kushandisa mapurisa munyaya dzezvematongerwo enyika. Vatiwo hurumende yemubatanidzwa inofanira kuona kuti mapurisa haasi kushungurudza vemasangano ezvematongerwo enyika.

    Vatiwo vachashandisa gwaro ravo kushambadza kuhurumende dzemuSADC neAfrica yose kuitira kuti mhirizhonga yatanga zvakare muZimbabwe, isaenderere mberi.

    Mutauriri weZanu PF, VaRugare Gumbo, varamba mashoko aVa Ruhanya nesangano ravo vachiti bato ravo handiro rinouudza mapurisa kuti oshanda sei. VaGumbo vati mapurisa anoita basa rawo semaonero awo.

    Sachigaro wekomiti yedare reseneti inoona nezvekodzero dzevanhu, VaMishek Marava veMDC-T, vashora kushungurudzwa kwevemasangano akazvimirira vachiti masangano aya ari kuita basa guru munyaya dzakasiyana siyana.

    ZDI inoti hurumende dzemuSADC neAfrica dzinofanira kuudza hurumende nemapurisa emuZimbabwe kuti asiyane nemasangano anoshanda akazvimirira pamwe nekuona kuti Zimbabwe yaita sarudzo dzakachena.

    Kubvira kupera kwegore rapfuura kusvika pari zvino, vemasangano anoshanda akazvimirira  vari kusungwa nekushungurudzwa nemapurisa vachipomerwa mhosva yekuita zvesarudzo vasina mvumo.

    You May Like

    Mhuri yaVaItai Dzamara Yoronga Kusangana naVaMnangagwa

    VaDzamara, avo vakapambwa nevarume vanofungidzirwa kuti vasori musi wa9 Kurume gore rapera, vari kusvitsa mwedzi gumi nemumwechete musi weChipiri pasina ruzivo rwekwavari. Onai zvimwe

    Kusagadzikana kweZvinhu muMDC yaVaNcube-VaMzila Ndlovu Vanobviswa paChigaro

    MDC inotungamirirwa naVaWelshman Ncube yakasangana mukupera kwesvondo yakasunga kuti vakafanobata chigaro chemunyori mukuru webato iri, VaMoses Mzila Ndlovu vabve pachigaro ichi Onai zvimwe

    Vhidhiyo Live Talk

    Zimbabweans living outside the country who cannot receive our broadcast signals can now listen to and participate in LiveTalk in real time (8:30-9:00 p.m. Zimbabwe time) (1830-1900 UTC) (Monday-Friday) and call our studio directly at 1-202-619-2077 to participate. Onai zvimwe

    Dare Rotarisirwa Kuzeya Nyaya Yekuti VaMugabe Havachakwanise Kutonga Muna Kubvumbi

    Muzvinafundo Lovemore Madhuku vanoti zviri kuitwa naVaChinyoka kupedzera hoko padehwe retsindi. Onai zvimwe
    Live Talk

    Live Talk

    Zimbabweans living outside the country who cannot receive our broadcast signals can now listen to and participate in LiveTalk in real time. Click on the link below to listen to the LiveTalk program in progress (8:30-9:00 p.m. Zimbabwe time (1830-1900 UTC) Monday-Friday) and call our studio directly at 1-202-619-2077 to participate. Schedule: Monday-Friday Local Time: 8:30-9:00 p.m. UTC Time: 1830-1900 Duration: Weekdays: 30 minutes
    Indaba zesiNdebele

    Indaba zesiNdebele

    Ndebele 1800-1830 Monday-Friday
    English

    English

    Studio 7 has been providing Zimbabwe with objective, reliable and balanced radio news broadcasts since 2003 and has become a highly valued alternative point of reference on the airwaves for many thousands of Zimbabweans. Studio 7 covers politics, civil society, the economy, health, sports, music, the arts and other aspects of life in Zimbabwe.

    Facebook