Thursday, May 23, 2013 Local time: 05:59
Audio menu
Audio Nhau dzeShona 1700
Audio Studio 7 for Zimbabwe
Audio Indaba

Nhau / Africa

Magweta Anorwira Kodzero Anopihwa Mibairo

Zimbabwe Police Arrest Human Rights LawyersZimbabwe Police Arrest Human Rights Lawyers
x
Zimbabwe Police Arrest Human Rights Lawyers
Zimbabwe Police Arrest Human Rights Lawyers
TEXT SIZE - +
Irwin Chifera

11.12.2012

HARARE — Sangano remagweta anorwira kodzera dzevanhu, reZimbabwe Laywers for Human Rights, rakapa mubairo neMuvhuro manheru kumagweta maviri ayo rinoti akaratidza hushingi munyaya  dzekumirira kodzera dzevanhu munyika mugore rino.

Magweta aya  ndaVa Raymond Moyo, avo vakamirira svondo yeAnglican Church inotungamirirwa naBishop Chad Gandiya munyaya iyo yavairwisana naVaNolbert Kunonga, mukuru weAnglican Church of the Province of Zimbabwe, pamwe naVa Charles Kwaramba, avo vari kumirira nhengo makumi maviri nepfumbamwe dzeMDC dziri kupomerwa mhosva yekuuraya mupurisa mumusha weGlen View gore rapera.

Vachitaura pamabiko ekupemberera kodzero dzevanhu, gweta rinorwira kodzero dzevanhu,  Amai Beatrice Mtetwa, avo vange vaine mubairo uyu, vakati magweta maviri aya akaratidza hushingi uye akashungurudzwa apo aiita basa rawo rekumirira svondo yeAnglican pamwe nenhengho dzeMDC.

Mumashoko avo ekutambira mubairo uyu, VaMoyo vakati pavakabvuma kumirira svondo yeAnglican inotungamirirwa naBishop Gandiya muna 2007, havana kuziva kuti nyaya iyi yaizotora makore akawanda.

VaMoyo vakati nyaya iyi yakazooma zvikuru sezvo pakapinda nyaya dzematongerowa enyika mukati. Asi vakati vakabudirira sezvo vakawana rubatsiro kubva kumasangano akaita seZimbabwe Laywers for Human Rights.

VaKwaramba, avo vakatukwa nekushoropodzwa nemutongi wedare repamusoro, VaChinembiri Bhunu, vakati mubairo uyu uchavasimbisa pabasa ravo rekurwira kodzero dzevanhu.

VaBhunu vakati sangano remagweta reLaw Society of Zimbabwe rinofanira kuongorora VaKwaramba mushure  mekunge vataura nevemapepanhau vachishoropodza VaBhunu nedare repamusoro panyaya yenhengo dzeMDC idzo dzagara mutorongo kwenguva inodarika gore pasina mutongo wapihwa.

Mutauriri weZimbabwe Laywers for Human Rights, VaKumbirai Mafunda, vaudza Studio7 kuti mibairo yakapihwa VaMoyo naVaKwaramba wakakosha chose.

Gungano iri rakapindwa nevanhu vakawanda kubva kuhurumende, vatongi vematare epamusoro, vamiriri veUnited Nations nemasangano akazvimirira nevamwe.

Gore negore Zimbabwe Laywers for Human Rights inopa mubairo kumagweta anenge aita basa guru mukurwira kodzero dzevanhu.

Sangano iri rinoita izvi pazuva rekucherechedza kodzero dzevanhu pasi rose,  kana kuti International Human Rights Days musi wa10 Zvita.

Studio 7

Chirongwa

Facebook

 

Most Popular