Muvhuro, Kukadzi 08, 2016 Local time: 01:41

    Nhau / Africa

    VaMugabe naVaTsvangirai Vokurudzira Runyararo Muchirongwa Chekuzeya Gwaro reBumbiro

    VaTsvangirai, VaMugabe naVaMutambaraVaTsvangirai, VaMugabe naVaMutambara
    x
    VaTsvangirai, VaMugabe naVaMutambara
    VaTsvangirai, VaMugabe naVaMutambara
    Irwin Chifera
    Musangano wekuzeya zviri  mugwaro rebumbiro idzva remitemo yenyika, watanga neMuvhuro mutungamiri wenyika, VaRobert Mugabe, vachikurudzira runyararo pamusangano uyu, vachiti sarudzo dzemunyika dzichaitwa muna Kurume gore rinouya.

    Asi mutungamiri weMDC diki, VaWelshman Ncube, varamba kupinda mumusangano wekuvhura chirongwa ichi vachitsutsumwa nekupihwa mukana wekutaura kwaitwa mutevedzeri wemutungamiri wehurumende, Va Arthur Mutambara.

    VaMugabe vati vanhu vanofanira kukwenenzvera gwaro iri murunyararo vachiti  mhirizhonga haifaniri kushandiswa zvachose pakugadzirisa kusawirirana pakati pevanhu munyika.

    VaMugabe vati vatungamiri vemapato ezvematongerwo enyika ndivo vanofanira kuudza nhengo dzemapato avo kuti dzisiyane nemhirizhonga pamwe nekuti vashande pamwe chete murunyararo.

    Vati kunyorwa kwebumbiro kunofanira kuchipedzwa kuitira kuti nyika ikwanise kuita referendamu nesarudzo.

    Vatiwo kunyange hazvo chirongwa ichi chiri kutungamirwa nekomiti yeparamende, vatungamiri vehurumende yemubatanidzwa ndivo vane rekupedzisira pabumbiro iri.

    Vachitaurawo pamusangano uyu, mutungamiri wehurumende, VaMorgan Tsvangirai, vakurudzirawo runyararo vachiti  vanhu vemuZimbabwe vanofanira kushanda  pamwe murunyararo pakunyorwa kwebumbiro remutemo kuitira kuti vagadzirise  remangwana reZimbabwe.

    Mutevedzeri wemutungamiri wehurumende, VaArthur Mutambara, vaudza vanhu vapinda mumusangano uyu kuti zvakakosha  kuti vaone kuti bumbiro iri rinochengetedza veruzhinji kubva kuvatungamiriri vavo.

    Vatiwo vanofanira kuona kuti paiswa zviga zvinoita kuti bumbiro iri ritevedzwe vakati bumbiro riripo haritevedzwi dzimwe nguva.

    Zvichakadai, VaNcube nebato ravo havana kupinda muchikamu chekuvhurwa kwemusangano uyu  vachitsutsumwa nekuti VaMutambara vange varipo.

    Vachitaura nevatori venhau mushure mechikamu ichi, VaNcube vati mapato ese ari muhurumende ainge abvumirana kuti VaMutambara vainge vasingazotaura pamusangano uyu. Asi vati vazoshamisika vave kuudzwa nekuti VaMugabe vange vaudza komiti yeparamende iri kukokera kunyorwa kwebumbiro idzva, yeCOPAC kuti havaizopinda mumusangano uyu kana VaMutambara vasipo.

    Vatiwo kunyange havo vasina kupinda muchikamu chekutanga chemusangano uyu, nhengo dzebato ravo dzichapinda mune zvimwe zvikamu zvinotevera.

    Vatiwo vanoziva kuti VaMugabe vari kuronga kuuraya chirongwa cheCOPAC  nekuti vane hurongwa hwekuda kuti chirongwa chekunyorwa kwebumbiro remutemo chipedzeswe nekomiti yedare remakurukota rinenge richitungamirwa naVaMutambara.

    VaNcube vati vaita musangano nenhumwa  dzemuyananisi panyaya yegakava remuZimbabwe, VaJacob Zuma, idzo dziri munyika kuzoongorora mafambisirwo emusangano weSecond All Stakeholders Conference vachitsutsumwa nenyaya yekuti VaMugabe naVaTsvangirai vari kuramba kutevedzedza chisungo cheSouthern African Development Community chekuti VaNcube ndivo mumwe wevatungamiri vehurumende yemubatanidzwa.

    Nyanzvi munyaya dzezvematongerwo enyika, VaPedzisayi Ruhanya, avo vari kuita zvidzidzo zvepamusoro kuWestminster University muLondon kuBritain, vanoti zvichemo zvaVaNcube ndezvechokwadi asi vakati VaMugabe ndivo vari kukonzera zvose izvi.  

    Vati zvakakosha kuti mapato maviri eMDC arwise VaMugabe akabatana.
    Musangano wekuzeya zviri mugwaro rebumbiro idzva wakatarisirwa kupera neChipiri.

    You May Like

    Hurumende Inotara Nzara seDambudziko Rakakurisisa Munyika

    Hurumende yabvuma zvino kuti zvinhu hazvina kumira zvakanaka munyaya dzechikafu, izvo zvaita kuti mutungamiri wenyika, VaRobert Mugabe, vatare nzara iriko sedambudziko rakaipisisa. Onai zvimwe

    Vhidhiyo VOA60 Africa - S. Africa: 90 miners rescued, three missing after a cave-in at a gold mine

    S. Africa: 90 miners rescued, three missing after a cave-in at a gold mine Onai zvimwe

    Mabhanga Maviri muZimbabwe Anobviswa paZvirango Zvakatemerwa neAmerica

    Hurumende yeAmerica yabvisa mabhanga maviri anoti reAgribank nere International Development Bank of Zimbabwe pazvirango zvakatemerwa makambani nevamwe vari muhurumende yeZanu-PF kusanganisira mutungamiri wenyika, VaRobert Mugabe. Onai zvimwe

    Vhidhiyo Live Talk

    Zimbabweans living outside the country who cannot receive our broadcast signals can now listen to and participate in LiveTalk in real time (8:30-9:00 p.m. Zimbabwe time) (1830-1900 UTC) (Monday-Friday) and call our studio directly at 1-202-619-2077 to participate. Onai zvimwe

    Rooftop Yovaka Muzinda weChizvinozvino Munyaya dzeMitambo

    Mukuru weRooftop Promotions, VaDavies Guzha, vanoti musha mutsva uyu uchasimudzira mitambo, mabhaisikopo kana mafirimu emuno ayo asina kwaari kuratidzwa pari zvino. Onai zvimwe
    Indaba zesiNdebele

    Indaba zesiNdebele

    Ndebele 1800-1830 Monday-Friday
    English

    English

    Studio 7 has been providing Zimbabwe with objective, reliable and balanced radio news broadcasts since 2003 and has become a highly valued alternative point of reference on the airwaves for many thousands of Zimbabweans. Studio 7 covers politics, civil society, the economy, health, sports, music, the arts and other aspects of life in Zimbabwe.
    Nhau dzeShona

    Nhau dzeShona

    Nhau dzeShona Nguva yeChirongwa Muvhuro-Chishanu Nguva dzeChinomwe Manheru 19:00 UTC Time: 1700 Nguva yeChirongwa 20
    Indaba zesiNdebele

    Indaba zesiNdebele

    Ndebele 1800-1830 Monday-Friday
    English

    English

    Studio 7 has been providing Zimbabwe with objective, reliable and balanced radio news broadcasts since 2003 and has become a highly valued alternative point of reference on the airwaves for many thousands of Zimbabweans. Studio 7 covers politics, civil society, the economy, health, sports, music, the arts and other aspects of life in Zimbabwe.
    Nhau dzeShona

    Nhau dzeShona

    Nhau dzeShona Nguva yeChirongwa Muvhuro-Chishanu Nguva dzeChinomwe Manheru 19:00 UTC Time: 1700 Nguva yeChirongwa 20

    This forum has been closed.
    Comments
         
    Hapana apawo maonero ake. Iva wekutanga kupa muonero wako
    • Nhau dzeShona
      20 min

      Nhau dzeShona

      Nhau dzeShona Nguva yeChirongwa Muvhuro-Chishanu Nguva dzeChinomwe Manheru 19:00...

    • Nhau dzeShona
      20 min

      Nhau dzeShona

      Nhau dzeShona Nguva yeChirongwa Muvhuro-Chishanu Nguva dzeChinomwe Manheru 19:00...

    Facebook