Wednesday, October 22, 2014 Local time: 06:21

Nhau / Kodzero-dzevanhu

Allan Chimbetu Okomekedzwa neDare Kubvisa Mari yeMendenenzi

Allan ChimbetuAllan Chimbetu
x
Allan Chimbetu
Allan Chimbetu
Loridham Moyo
Muimbi ane mukurumbira munyika, Allan Chimbetu, amiswa neChina pamberi pematare edzimhosva kwaMutare achipomerwa mhosva yekutadza kubhadhara mari yemendenenzi yemwana wake waakaita nemumwe mudzimai wekwaMutare kwenguva ingangosvika gore kubva muna zvita wegore rapera.

Vachipa mutongo wavo kuna Chimbetu, mutongi wedare, Va Gwatidzo, vasendeka mwedzi mitatu kwemakore mashanu vakayambira muimbi uyu kuti asapare mhosva yakafanana neyaabatwa nayo panguva iyi. VaGwatidzo vatiwo mutongo uyu vaurerutsa sezvo Chimbetu asina kupedza nguva yedare achiramba mhosva uye kuti anga abvisa mari yemendenenzi iyi yanga yasvika madhora mazana matanhatu nemapfumbamwe.

Muchuchisi wehurumende, VaWalter Saunyama, vati Chimbetu anofanirwa kubvisa madhora makumi manomwe mwedzi wega-wega kuna Amai vemwana wake, Muzvare Tsitsi Rambanapasi, asi ange asiri kuita izvi kubva gore rapera muna Zvita kusvikira azosungwa.

Chimbetu, uyo ange akapfeka mudhebhe weruvara rwemashizha, shangu nhema uye bhatye nehembe nhema, anga achitaurira pasi achiti ange asiri kunzwa zvakanaka.

Audza dare kuti kukundikana kwake kubhadhara mari kuri kukonzerwa nekuti ari kurwara nekudaro haasi kukwanisa kushanda sezvaaita kare. Asi dare raramba izvi rikati anosungirwa kuchengeta mwana wake zvisinei neurwere.

Chimbetu asetsa dare iro range rizere nevanhu apo apa chikumbiro chekuti anoda kubvumirwa kuti mwana waari kubvisira mendenenzi, aongororwe navana chiremba kuti paonekwe kana mwana uyu ari wake zvechokwadi.

Chimbetu atiwo izvi zviri kutsigirwawo nemudzimai wake uyo anoti anogona kubvisa mari yemendenenzi kana ongororo iyi yabva kwachiremba ikaburitsa humbowo hwekuti mwana uyu ndewake.

Dare rati izvi zvange zvisinei naro uye zviri kwaari Chimbetu kuita zvaanoda kana achida kuti chokwadi chiburitswe.

Muzvare Rambanapasi vapawo chikumbiro kudare chekuti vatori venhau vasabvumidzwa kunyora nezvenyaya yake naChimbetu sezvo zviri kukanganisa muchato wake mutsva nemumwe murume.

Asi Chikumbiro ichi charaswa nemutongi uyo ati zvaive kuvaviri ava Chimbetu naiye kuti vabvumirane nekubvisa mari panguva yakatarwa nedare vorega kuendesana kumatare.

VaGwatidzo vati vatori venhau vari kuitawo basa ravo saka hapana anofanirwa kuvamisa mukuita izvi.

Aka hakazi kekutanga Chimbetu achimiswa pamberi pematare edzimhosva nenyaya yekusabvisa mari yemendenenzi.

Mazuva mashoma apfuura, Chimbetu akamiswa zvakare mudare kukadoma mushure mekunge atadza kubvisa mendenenzi kuna Mildred Mapuranga. Vaviri ava vane mwana ane makore gumi nerimwe.

You May Like

VaDzamara Vanoratidzira muAfrica Unity Square

Mupepeti webepanhau re The News Leader, Va Itai Dzamara, nevamwe vari kuvatsigira vatanga neChipiri kugara pa Africa Unity Square mu Harare vakamirira mhinduro kubva kumutungamiri wenyika, Va Robert Mugabe, avo vavari kuda kuti vasiye basa. Onai zvimwe

Vana Chiremba Voramwa Mabasa Kutanga neMuvhuro

Sangano reZimbabwe Hospital Doctors Association rinoti kutanga neMuvhuro vana chiremba muzvipatara zvose zvehurumende vachatanga kuramwa mabasa sezvo nhaurirano nehurumende panyaya yemari yemihoro nemashandiro avo dzakundikana zvachose. Onai zvimwe

Vari Kuda Zvigaro muMDC T Vobvumidzwa Kutsvaga Rutsigiro

Bato reMDC T rinoti ravhururira mukana vari kuda kukwikwidza musarudzo dzichaitwa pakongiresi yebato iyi mukupera kwemwedzi uno, kuti vachitanga kutsvaga rutsigiro Onai zvimwe

Vhidhiyo VOA60 Africa

VOA60 Africa is a one-minute wrap of the past 24 hours' news and video from the African continent. It includes politics, weather, arts, culture and the extraordinary events that lead the headlines. Share and be informed - VOA60. Onai zvimwe
LiveTalk

LiveTalk

Zimbabweans living outside the country who cannot receive our broadcast signals can now listen to and participate in LiveTalk in real time. Click on the link below to listen to the LiveTalk program in progress (8:30-9:00 p.m. Zimbabwe time (1830-1900 UTC) Monday-Friday) and call our studio directly at 1-202-619-2077 to participate.

Schedule:

Monday-Friday

Local Time: 8:30-9:00 p.m.

UTC Time: 1830-1900

Duration: Weekdays: 30 minutes

 

Ndebele

Ndebele

Ndebele 1800-1830 Monday-Friday
Studio 7

Studio 7

Studio 7 for Zimbabwe provides comprehensive and reliable radio news seven days a week on AM, shortwave and satellite
 

Schedule: Monday-Friday, 7:00-9:00 p.m., Saturday-Sunday, 7:00-8:00 p.m., on Intelsat 10 repeats M-F 9-11 p.m.

Local Time: 7-9 p.m.

UTC Time: 1700-1900

Duration: Weekdays: 2 hours; Weekends: 1 hour

Listen: MP3

Nhau dzeShona

Nhau dzeShona

Nguva yeChirongwa Muvhuro-Chishanu

Nguva dzeChinomwe Manheru 19:00

UTC Time: 1700

Nguva yeChirongwa 30

Tererai МР3 | Windows Media


Facebook