Accessibility links

Breaking News

Mutambo weNBA Pakati peCleveland Cavaliers neGolden State Wotarisirwa Zvakanyanya neVamwe muZimbabwe


Cleveland Cavaliers- LeBron James (23)
Cleveland Cavaliers- LeBron James (23)

Sangano re Hoops For Hope iro rinoshanda nevechidiki vemunharaunda dzakasiyana siyana muHarare ne kwaMutare richivadzidzisa mutambo we Basketball rinoti veruzhinji munyika vakatarisira zvakanyanya zvichabuda pamakwikwi ekupedzisira emutambo weNational Basketball Association (NBA) achatanga neChina muno muaAmerica.

Zvikwata zviviri zvinoti Cleveland Cavaliers yeku Ohio nechikwata che Golden State Warriors cheku San Francisco kuCalifornia ndizvo zvichakweshana mumitambo minomwe ichazosarudza nyanzvi yegore ra2015

Mutambi anemukurumbira uye akasarudzwa semutambi akatamba zvinonwisa mvura mwaka uno (MVP) Stephen Curry we Golden States Warriors achatungamira chikwata chake apo chichatamba nemutambi akasarudzwa gore rapera senyanzvi (MVP) Lebron James.

Mutungamiri we sangano re Hoops For Hope VaNgoni Makukula vanoti sangano ravo rinoshanda nevechidiki vanofarira mutambo uyu kuti vasawanikwe vaita zvemisikanzwa zvakafanana nekunwa doro, kushandisa zvinodhaka, nezvimwewo zvinoita kuti hupenyu hwevechidiki hwusafambe zvakanaka.

VaMakukula vanoti shuwiro yavo ndeyekuti vechidiki vawane mukana wekushandisa nguva mukuita zvinhu zvinovavaka sekutamba mutambo we basketball.

please wait

No media source currently available

0:00 0:01:17 0:00
Pekupinda Napo Kuti Muone Zvamuri Kuda

Gore rapera chikwata cheSan Antonio Spurs ndicho chakakunda Miami Heat mumakwikei eNBA.

XS
SM
MD
LG