Mugovera, Kukadzi 13, 2016 Local time: 23:09

    Nhau / Matongerwo eNyika

    VaMutsekwa Voshora Mashoko aVaMnangagwa

    VaEmmerson MnangagwaVaEmmerson Mnangagwa
    x
    VaEmmerson Mnangagwa
    VaEmmerson Mnangagwa
    Blessing Zulu
    MDC-T nemamwe masangano akazvimirira oga vari kushora zvikuru mashoko egurukota rezvekudzivirirwa kwenyika, VaEmmerson Mnangagwa, nemashoko avo vakaratidza kuzvidza hurumende yemubatanidzwa vachiti vamwe muhurumende iyi vari kuda kuvandudza mashandiro emauto kuitira kuti azoshandiswa mukupidigura hurumende nechisimba vachishandiswa nevekunze.

    Bepanhau reHerald rinoti VaMnangagwa vakataura mashoko aya neMuvhuro kuNational Defence College muHarare.

    Asi munyori anoona nezvekudzivirirwa kwenyika muMDC-T, VaGiles Mutseyekwa, vashora zvikuru mashoko aVaMnangagwa vachiti haana maturo ose, uye anotaurwa nemunhu anoratidza kuti haaremekedzi mitemo yakaumba hurumende iripo.

    VaMnangagwa vakatiwo mauto haafanire kumirira mari inobva kugurukota rezvemari, asi kuti anofanira kupinda mune zvemabhizimisi kuitira  kuti azvimirire panyaya dzemari.

    VaMnangagwa vakatiwo mauto anofanira kudzivirira zvavanoti zvido zvenyika uye kuona kuti zvavakarwira munguva yehondo hazvisi kudzorerwa kumashure.

    Mashoko aya anonzi nedzmwe nyanzvi munyaya dzezvematongerwo enyika anoratidza pachena kuti zveSouth Africa zvekuda kupa mauto eZimbabwe zvikopokopo zvehondo nezvimwe zvikwanisiro panguva ino hazvina maturo sezvo zvombo izvi zvichizogona kushandiswa nenzira isiri iyo.

    Bumbiro remitemo riripo, uye idzva raturwa muparamende neChipiri neCOPAC, haatenderi mauto kupindira munyaya dzezvematongerwo enyika. Asi bato reZanu-PF rinoti hapana chakaipa.

    Zvinonzi vakuru vemauto nemapurisa vakawanda vari kutsvaga rutsigiro rwekumirira Zanu-PF musarudzo gore rino.

    Izvi zvave kupa kuti vamwe vatyire kuti munyika munogona kuita mhirizhonga seyakaitika muna 2008 kana vemauto nemapurisa vakaramba vachipindira munyaya dzezvematongerwo enyika.

    Hatina kukwanisa kubata VaMnangagwa kuti tinzwe divi ravo.

    Mutauriri webato reZanu-PF, VaRugare Gumbo, vanoti nyaya yekuda kuvandudza mashandiro emauto haisi kuzotambirwa nebato ravo.

    Nyanzvi munyaya dzezvematongerwo enyika, uye vari mukuru weZimbabwe Democracy Institute,  VaPedzisayi Ruhanya, vanoti VaMnagangwa havafanire kutaura zvisiri pamutemo.





    You May Like

    VaChris Mutsvangwa Vodzingwa muZanu-PF

    VaMutsvangwa nevamwe vavo vari kupomerwa mhosva yekusaremekedza mutungamiri weyika VaRobert Mugabe nemudzimai wavo Amai Grace Mugab Onai zvimwe

    Senator Hlalo Vanodzingwa muMDC-T

    VaSibanda vanoti VaHlao vakapihwa mukana wekuuya kuzozvichenura kudare reNational Couuncil asi vakaramba. Onai zvimwe

    VaTsvangirai Vanoramba Vachikwezva Chaunga kuMisangano Yavo kuMasvingo

    Munyori mukuru muMDC-T VaDouglas Mwonzora vaudza Studio 7 kuti vanhu vakawanda vakauya pamusangano wakaitirwa paNgundu Growth Poi Onai zvimwe

    Gonzo naChin'ai Zvotosvorana: Amai Mugabe Vonetsana naVaMnangagwa

    VaMngangagwa vanonzi ndevamwe vevari muZanu PF varikuda kutora chigaro chemutungamiri wenyika VaRobert Mugabe kana vachinge vabva pachigaro. Onai zvimwe

    Chicken Inn Yokweshana neSundowns yekuSouth Africa muCAF Champions League

    Mutsigiri weChicken Inn VaLevison Ndudzo vanoti chikwata chavo chinokwanisa chete kukanganisa Khama Billiat kuti asatambe semazuva ese vanokunda. Onai zvimwe
    Indaba zesiNdebele

    Indaba zesiNdebele

    Ndebele 1800-1830 Monday-Friday
    English

    English

    Studio 7 has been providing Zimbabwe with objective, reliable and balanced radio news broadcasts since 2003 and has become a highly valued alternative point of reference on the airwaves for many thousands of Zimbabweans. Studio 7 covers politics, civil society, the economy, health, sports, music, the arts and other aspects of life in Zimbabwe.
    Nhau dzeShona

    Nhau dzeShona

    Nhau dzeShona Nguva yeChirongwa Muvhuro-Chishanu Nguva dzeChinomwe Manheru 19:00 UTC Time: 1700 Nguva yeChirongwa 20

    Facebook