Monday, May 20, 2013 Local time: 18:53
Audio menu
Audio Nhau dzeShona 1700
Audio Studio 7 for Zimbabwe
Audio Indaba

Nhau / Africa

Vadzidzii Vanoputsa Midziyo paGlen View One High Mushure Mekuputa Zvinodhaka

TEXT SIZE - +
Marvellous Mhlanga-Nyahuye

16.11.2012

WASHINGTON — Vadzidzi vatatu vepa Glen View One High vatorwa nemapurisa mushure mekuita mhirizhonga.

Zvinonzi vadzidzi ava nevamwe vavo vanga vachiputa zvinodhaka apo vanga vachipemberera kupedza kwavo bvunzo dzegore rino. Zvinonzi vadzidzi ava vaputsa mahwindo vachiita ruzha izvo zvazopa kuti vakuru vechikoro ichi vadaidze mapurisa.

Vakuru vepa Glen View One vabvuma kuti izvi zvaitika asi varamba kutaura zvakawanda nekuti havabvumudzwi nebazi rezvedzidzo kutaura nevatori venhau.

Mumwe mugari wemu Glen View One, Va Taru Sambo, avo vanoti vaona izvi zvichiitika, vanoti vakatyamadza zvikuru nezvaitwa nevadzidzi ava. VaSambo vanoti vamwe vevana ava vauya nependi vakanyora nyora madziro echikoro ichi. VaSambo vanoti mapurisa auya kuzopedza mhirizhonga iyi vanga vari vashoma zvikuru, izvo zvaita kuti mhere mhere inonoke kupedzwa.

Zvinonzi aka hakasi kekutanga zvakadai zvichiitika pachikoro ichi.

Mukuru wepachikoro ichi aramba kutaura neStudio7 achiti havabvumidzwe kutaura nevatori venhau vasina kupihwa mvumo nebazi rezvedzidzo.

Studio7 haina kukwanisa kutaura nemapurisa emu Glen View One kuti tinzwe divi ravo panyaya iyi sezvo nhare dzavo dzange dzisiri kudavirwa.

This forum has been closed.
Comments
     
There are no comments in this forum. Be first and add one

Studio 7

Chirongwa

Facebook

 

Most Popular