Mugovera, Kukadzi 13, 2016 Local time: 10:46

    Nhau / Africa

    VaMwonzora Vanoshora Kusungwa kwaVaFemai neMapurisa

    VaDouglas MwonzoraVaDouglas Mwonzora
    x
    VaDouglas Mwonzora
    VaDouglas Mwonzora
    Violet Gonda
    MDC inotungamirwa naVaMorgan Tsvangirai, MDC-T, inoti haisi kufara nemabatiro akaitwa nyaya iri kupomerwa seneta weChikomo, Va Morgan Femai, avo vakasungwa neChishanu vachipomerwa mhosva yekutyisidzira nerufu, mudzimai wavo vachibva vavharirwa muchitokisi.

    VaFemai, avo vakasarudzwa kuti vamirire Chikomo mudare reseneti muna 2008, vanonzi vari muchitokisi chepa Matapi muMbare.

    Mutauriri weMDC-T, VaDouglas Mwonzora, vanoti mapurisa aifanirwa kutanga aferefeta nyaya iyi asati asunga VaFemai.

    VaMwonzora vanoti mapurisa anoziva zvikuru kuti pose panenge pachirambana vanhu, pane kunyeperana nekupomerana nhema, nokudaro aifanirwa kutanga aferefeta zvakadzama nyaya iyi asati atora matanho.

    VaMwonzora, avo vanova zvakare gweta, vanoti nyaya yakasungwira VaFemai haina nemusoro wese, asi kuti mumiriri weChikomo akasungwa nekuti inhengo yeMDC-T.

    Vanotiwo pane vanhu vari kurambana muZanu PF vachipomerana mhosva asi hapana ari kusungwa nekuti mapurisa emunyika anoshanda akarerekera kuZanu PF.

    Vachitaura nebepanhau reSunday Mail, mutauriri wemapurisa muHarare, Inspector Tadius Chibanda, vakati VaFemai vachamiswa pamberi pedare vachipomerwa mhosva yekuvhundutsira pamwe nekutyisidzira kuda kuuraya munhu,

    Asi VaMwonzora vanoti hapana humbowo huripo hunoratidza kuti VaFemai vakaita zvavari kupomerwa.

    You May Like

    VaChris Mutsvangwa Vodzingwa muZanu-PF

    VaMutsvangwa nevamwe vavo vari kupomerwa mhosva yekusaremekedza mutungamiri weyika VaRobert Mugabe nemudzimai wavo Amai Grace Mugab Onai zvimwe

    Senator Hlalo Vanodzingwa muMDC-T

    VaSibanda vanoti VaHlao vakapihwa mukana wekuuya kuzozvichenura kudare reNational Couuncil asi vakaramba. Onai zvimwe

    VaTsvangirai Vanoramba Vachikwezva Chaunga kuMisangano Yavo kuMasvingo

    Munyori mukuru muMDC-T VaDouglas Mwonzora vaudza Studio 7 kuti vanhu vakawanda vakauya pamusangano wakaitirwa paNgundu Growth Poi Onai zvimwe

    Gonzo naChin'ai Zvotosvorana: Amai Mugabe Vonetsana naVaMnangagwa

    VaMngangagwa vanonzi ndevamwe vevari muZanu PF varikuda kutora chigaro chemutungamiri wenyika VaRobert Mugabe kana vachinge vabva pachigaro. Onai zvimwe

    Chicken Inn Yokweshana neSundowns yekuSouth Africa muCAF Champions League

    Mutsigiri weChicken Inn VaLevison Ndudzo vanoti chikwata chavo chinokwanisa chete kukanganisa Khama Billiat kuti asatambe semazuva ese vanokunda. Onai zvimwe

    Facebook