Chipiri, Kukadzi 09, 2016 Local time: 17:44

    Nhau / Africa

    Australia Inopa Zimbabwe $30M Ichashandiswa Mumabasa eMvura

    x
    Thomas Chiripasi
    Hurumende yeAustralia yapa sangano re UNICEF mari inoita mamiriyoni makumi matatu emadhora iyo ichashandiswa neZimbabwe mukuwaniswa kwemvura nehutsanana mumadhorobha madiki gumi nemana.

    Vachitaura pakusvitswa kwaitwa mari iyi kuhurumende ye Zimbabwe mumiriri weAustralia Agency for International Development, Amai Margaret Mckinnon, vati hurumende yavo yakazvipira mukubatsira Zimbabwe muzvirongwa zvinoyamura veruzhinji.

    Gurukota rinowona nezvemvura, Va Samuel Sipepa Nkomo, vatiwo mari yavapihwa iyi pasi pechirongwa chiri kudaidzwa kuti Small Towns Water, Sanitation and Hygiene Program, kana kuti WASH, ichashanda zvakawomarara mukurwisana nezvirwere zvinokonzerwa nekushayikwa kwemvura yakachena zvakaita sekorera ne typhoid.

    Gurukota rezvematunhu, VaIgnatious Chombo, vatiwo vafara zvikuru kuti Australia yavapa mari iyi uye vati bazi ravo richashanda zvakasimba kuti makanzuru ose apihwa mari iyi achaishandisa zvine mwero kuti abatsire veruzhinji.

    Vakafanobata chigaro chemumiriri weUNICEF muZimbabwe, Va Gianni Murzi, vatiwo kupihwa kwaitwa Zimbabwe mari iyi kuchabatsira nyika kuti izadzise zviga zvakatarwa ne United Nations kuti zvinge zvaitwa munyaya dzezvehutano kana kuti Millenium Development Goals.


    Vachipindura mibvunzo yevatori venhau yekuti sei nyika dzekunze pamwe nemasangano anobatsira achiramba achiisa mari muhomwe yemasangano akaita seUNICEF asingape mari iyi kuhurumende, VaNkomo vati Zimbabwe ichiri pasi pezvirango nokudaro nyika dzinodyidzana neZimbabwe dzakati dzinongokwanisa kupa nyika mari kubudikidza nemasangano aya chete kusvikira zvirango izvi zvabviswa.

    Madhorobha madiki achapihwa mari anoti Bindura, Chipinge, Chiredzi, Chivhu, Gokwe, Gwanda, Hwange, Karoi, Mutoko, Mvurwi, Plumtree, Rusape, Shurugwi neZvishavane.

    Australia inoti ichange ichiburitsa mamiroyoni gumi pagore kwemakore matatu achange achigovanwa nemadhorobha aya uye mari iyi ichashandiswa mukusimudzirwa kwenyaya dzemvura pamwe nehutano zvikuru mukurwisana nekuputika kwepombi dzinofambisa tsvina yemuzvimbuzi mumadhorobha aya.

    You May Like

    Mhuri yaVaItai Dzamara Yoronga Kusangana naVaMnangagwa

    VaDzamara, avo vakapambwa nevarume vanofungidzirwa kuti vasori musi wa9 Kurume gore rapera, vari kusvitsa mwedzi gumi nemumwechete musi weChipiri pasina ruzivo rwekwavari. Onai zvimwe

    Kusagadzikana kweZvinhu muMDC yaVaNcube-VaMzila Ndlovu Vanobviswa paChigaro

    MDC inotungamirirwa naVaWelshman Ncube yakasangana mukupera kwesvondo yakasunga kuti vakafanobata chigaro chemunyori mukuru webato iri, VaMoses Mzila Ndlovu vabve pachigaro ichi Onai zvimwe

    Vhidhiyo Live Talk

    Zimbabweans living outside the country who cannot receive our broadcast signals can now listen to and participate in LiveTalk in real time (8:30-9:00 p.m. Zimbabwe time) (1830-1900 UTC) (Monday-Friday) and call our studio directly at 1-202-619-2077 to participate. Onai zvimwe
    Live Talk

    Live Talk

    Zimbabweans living outside the country who cannot receive our broadcast signals can now listen to and participate in LiveTalk in real time. Click on the link below to listen to the LiveTalk program in progress (8:30-9:00 p.m. Zimbabwe time (1830-1900 UTC) Monday-Friday) and call our studio directly at 1-202-619-2077 to participate. Schedule: Monday-Friday Local Time: 8:30-9:00 p.m. UTC Time: 1830-1900 Duration: Weekdays: 30 minutes
    Indaba zesiNdebele

    Indaba zesiNdebele

    Ndebele 1800-1830 Monday-Friday

    Facebook