Mugovera, Kukadzi 13, 2016 Local time: 17:07

    Nhau / Africa

    Ambassador Wharton Vanoita Hurukuro neVapepeti veNhau

    Ambassador Bruce WhartonAmbassador Bruce Wharton
    x
    Ambassador Bruce Wharton
    Ambassador Bruce Wharton
    Irwin Chifera
    Mumiriri weAmerica muZimbabwe, Ambassador Bruce Wharton, vaita musangano nevapepeti venhau muzuva ravo rechipiri vachishanda muZimbabwe. 

    Vachipa pfungwa dzavo pamusangano wavo wekutanga nevapepeti venhau, Ambassador Wharton vati basa ravo guru richava rekuudza hurumende yeAmerica kuti zvinhu zvashanduka muZimbabwe.

    Vachipindura mubvunza wekuti nyika yavo icharamba yakatemera here Zimbabwe zvirango, Ambassador Wharton vati zvakakosha kuti vanhu vemuZimbabwe vaite zvavakawirirana kuita muchibvumirano cheGlobal Political Agreement kuitira kuti zvirango zvehupfumi nezvekufamba zvakatemerwa vamwe vakuru muhurumende nemuZanu PF zvibviswe.

    Ambassador Wharton vatiwo hachisi chokwadi kuti veruzhinji vari kubatwa batwa nezvirango zvehupfumi zvakatemerwa vamwe vakuru vakuru nemamwe makambani ari munyika.

    Asi mupepeti webepanhau re The Standard, VaNevanji Madanhire, vati maonero everuzhinji munyika ndeekuti  vashoma ivavo vakatemerwa zvirango  havana chavari kunzwa uye vave kutovanda nezvirango  izvi kuramba vachiita chikiribidi nekutengesa mangoda nerweseri  vasingaendese mari kubazi rezvemari.

    VaWharton  vati nyika yavo inodyidzana zvikuru neZimbabwe uye zvimwe zvavachaita kukurudzira vemabhizimisi ekuAmerica vauye kuZimbabwe sezvo kuine mikana yekuita mabhizimisi yakanaka chose .

    Vatiwo panyaya yekugadzirisa hukama hweAmerica ne Zimbabwe, VaWharton vati vachakumbira nhengo dzedare re Congress muAmerica kuti dzizoona kushanduka kwaita zvinhu muZimbabwe kubva pakuumbwa hurumende yemubatanidzwa kusvika pari zvino.

    Vatiwo kana  Zimbabwe ikaita referendamu nesarudzo dzakachena, America ichaona zvekuita nezvirango zvehupfumi zvakatemerwa mutungamiri wenyika, VaRobert Mugabe, pamwe nevamwe vavo muZanu PF.

    VaWharton, avo vakamboshandira muZimbabwe vari mubazi rezvekudyidzana neveruzhinji pamuzinda weAmerica muZimbabwe kubva muna 1999 kusvika muna 2003, vati havana chinangwa chekugaro popotedzana neZimbabwe uye vati vacharemekedza  vanhu pamwe nehurumende yeZimbabwe pabasa ravo.

    Vamwe vapepeti venhau vanga vakokwa havana kuuya kumusangano uyu, kunze kwekutumira vatori vavo venhau.

    Ambassador Wharton vakasangana naVaMugabe neChina vachinozvipira zviri pamutemo semumiriri mutsva weAmerica muZimbabwe.

    You May Like

    VaChris Mutsvangwa Vodzingwa muZanu-PF

    VaMutsvangwa nevamwe vavo vari kupomerwa mhosva yekusaremekedza mutungamiri weyika VaRobert Mugabe nemudzimai wavo Amai Grace Mugab Onai zvimwe

    Senator Hlalo Vanodzingwa muMDC-T

    VaSibanda vanoti VaHlao vakapihwa mukana wekuuya kuzozvichenura kudare reNational Couuncil asi vakaramba. Onai zvimwe

    VaTsvangirai Vanoramba Vachikwezva Chaunga kuMisangano Yavo kuMasvingo

    Munyori mukuru muMDC-T VaDouglas Mwonzora vaudza Studio 7 kuti vanhu vakawanda vakauya pamusangano wakaitirwa paNgundu Growth Poi Onai zvimwe

    Gonzo naChin'ai Zvotosvorana: Amai Mugabe Vonetsana naVaMnangagwa

    VaMngangagwa vanonzi ndevamwe vevari muZanu PF varikuda kutora chigaro chemutungamiri wenyika VaRobert Mugabe kana vachinge vabva pachigaro. Onai zvimwe

    Chicken Inn Yokweshana neSundowns yekuSouth Africa muCAF Champions League

    Mutsigiri weChicken Inn VaLevison Ndudzo vanoti chikwata chavo chinokwanisa chete kukanganisa Khama Billiat kuti asatambe semazuva ese vanokunda. Onai zvimwe

    Facebook