Chipiri, Kukadzi 09, 2016 Local time: 15:43

    Nhau / Africa

    Zimbabwe Inokorokotedza VaObama

    x
    Thomas Chiripasi
    Zvizvarwa zve Zimbabwe zvabatana nezvizvarwa zvemuAmerica mukupemberera kusarudzwa kwechipiri kwaitwa Va Barack Obama semutungamiri weAmerica vachikunda VaMitty Romney veRepublican Party.

    Izvi zvanga zvichiitwawo padandemutande re internet pa facebook pamwe nepa twitter.

    Vamwe vanga vakapfeka zvipfeko zvine mifananidzo yechiso chaVa Obama uye vamwe vanga vachiimba vari pedyo nemuzinda weAmerica muHarare.

    Amai Thelma Mashonganyika, avo vanogara kuMbare muHarare, vati vafadzwa zvikuru nekusarudzwa kwaVa Obama kuti vatonge America kwetemu yechipiri.

    Mutungamiri wesangano re Elected Councillors Association of Zimbabwe, VaWarship Dumba, vati mafambisirwo akaitwa sarudzo dzekuAmerica anofadza zvikuru zvekuti chitsvambe chave kuhurumende ye Zimbabwe kuti iite sarudzo dziri pachena sedzakaitwa muAmerica.

    Vaimbova mutevedzeri wegurukota rezvevashandi avo vakadzingwa muZanu PF, Amai Tracy Mutinhiri, vati vafara zvikuru nezvaitwa naVaRomney zvekubvuma kuti vakundwa musarudzo vachiti izvi ndizvo zvinofanirwa kuitwa muZimbabwe pose panoitwa sarudzo.

    Nyanzvi munyaya dzezvematongerwo enyika uye vari mutungamiri wesangano idzva rezvekodzero richionawo nezvehutongi hwejekerere, re Zimbabwe Democracy Institute, Va Pedzisai Ruhanya, vatiwo nyika dzemuAfrica pamwe nepasi rose dzinofanira kutevedzera mafambisirwo akaitwa sarudzo ku America vachiti zvido zveveruzhinji zvinofanira kuremekedzwa.

    Va Ruhanya vati chinofadza ndechekuti havana kumbonzwa masoja achipindira munyaya dzezvematongerwo enyika musarudzo dzekuAmerica sezvinoitwa muZimbabwe.

    Zimbabwe yakatarisirwa kuita sarudzo gore rinouya, asi veruzhinji vanotanga kuita mudumbu nguva dzose nekutya pose panenge potaurwa nezvesarudzo, sezvo sarudzo dzemunyika dzichigara dzakaita mhirizhonga.

    You May Like

    Mhuri yaVaItai Dzamara Yoronga Kusangana naVaMnangagwa

    VaDzamara, avo vakapambwa nevarume vanofungidzirwa kuti vasori musi wa9 Kurume gore rapera, vari kusvitsa mwedzi gumi nemumwechete musi weChipiri pasina ruzivo rwekwavari. Onai zvimwe

    Kusagadzikana kweZvinhu muMDC yaVaNcube-VaMzila Ndlovu Vanobviswa paChigaro

    MDC inotungamirirwa naVaWelshman Ncube yakasangana mukupera kwesvondo yakasunga kuti vakafanobata chigaro chemunyori mukuru webato iri, VaMoses Mzila Ndlovu vabve pachigaro ichi Onai zvimwe

    Vhidhiyo Live Talk

    Zimbabweans living outside the country who cannot receive our broadcast signals can now listen to and participate in LiveTalk in real time (8:30-9:00 p.m. Zimbabwe time) (1830-1900 UTC) (Monday-Friday) and call our studio directly at 1-202-619-2077 to participate. Onai zvimwe

    Dare Rotarisirwa Kuzeya Nyaya Yekuti VaMugabe Havachakwanise Kutonga Muna Kubvumbi

    Muzvinafundo Lovemore Madhuku vanoti zviri kuitwa naVaChinyoka kupedzera hoko padehwe retsindi. Onai zvimwe
    Live Talk

    Live Talk

    Zimbabweans living outside the country who cannot receive our broadcast signals can now listen to and participate in LiveTalk in real time. Click on the link below to listen to the LiveTalk program in progress (8:30-9:00 p.m. Zimbabwe time (1830-1900 UTC) Monday-Friday) and call our studio directly at 1-202-619-2077 to participate. Schedule: Monday-Friday Local Time: 8:30-9:00 p.m. UTC Time: 1830-1900 Duration: Weekdays: 30 minutes
    Indaba zesiNdebele

    Indaba zesiNdebele

    Ndebele 1800-1830 Monday-Friday
    English

    English

    Studio 7 has been providing Zimbabwe with objective, reliable and balanced radio news broadcasts since 2003 and has become a highly valued alternative point of reference on the airwaves for many thousands of Zimbabweans. Studio 7 covers politics, civil society, the economy, health, sports, music, the arts and other aspects of life in Zimbabwe.

    Facebook