Wednesday, May 22, 2013 Local time: 22:48
Audio menu
Audio Nhau dzeShona 1700
Audio Studio 7 for Zimbabwe
Audio Indaba

Nhau / Africa

Kunetsana kweMasangano eVashandi veHurumende Kovhiringa Nhaurirano dzeMihoro?

x
TEXT SIZE - +
Jonga Kandemiiri

05.02.2013

WASHINGTON — Matambudziko evashandi vehurumende anenge acharamba achinetsa zvichitevera danho rinonzi rakatorwa nehurumende rekuramba kutambira chikwata chakanga chasarudzwa nevamwe muApex Council kuti chimirire vashandi munhaurirano dzemihoro.

Svondo rapera Apex Council yakashevedzera musangano wekugadzirisa kusawirirana kuri mumasangano evashandi vehurumende, asi sangano rePublic Service Association, PSA, rakaramba kupinda mumusangano uyu.

Izvi zvakazopa kuti Apex Council ibude nemazita evanhu vapfumbamwe vachibva mumasangano ose evashandi vehurumende, kusanganisira rePSA, ayakazotumira kuhurumende.

Asi PSA inonzi yakabva yanyorawo tsamba kugurukota rezvevashandi vehurumende, Amai Lucia Matibenga, ichivazivisa kuti yakanga isineyi nechekuita nechikwata cheApex Council ichi, izvo zvinonzi zvakazopa kuti Amai Matibenga varambe kutambira mazita aya.

Hatina kukwanisa kubata Amai Matibenga kuti tinzwe divi ravo panyaya iyi.

Asi sachigaro weApex Council, VaDavid Dzatsunga, vanoti vakazvipira kutsvaga nzira dzinogona kugadzirisa matambudziko akatarisana nevashandi aya, kuitira kuti vakwanise kuwedzerwa mari dzemihoro.

Mutungamiri wePSA, Amai Cecilia Alexander, vanoti vanotambira danho rakatorwa nehurumende panyaya iyi sezvo vakanga vasina kugarwa navo pasi. Vanotiwo vakazvipira kugadzirisa dambudziko ratadzisa kuti nhaurirano idzi dzimutsiridzwe.

Munyori mukuru weProgressive Teachers Union of Zimbabwe, PTUZ, VaRaymond Majongwe, vanoti vanofunga kuti ivo pamwe nesangano ravo ndivo vasiri kudiwa munhaurirano idzi.

VaMajongwe vanoti nechido chekuti vashandi vehurumende vasarambe vachitambura, sangano ravo rakazvipira kubuda muchikwata chiri munhaurirano dzemihoro ichi kana izvi zvichiyamura vashandi muhondo yavo yemihoro

Hurukuro naVaDavid Dzatsunga
Loading
12:00:00 / -:--:--
⎚

Hurukuro naAmai Cecilia Alexander
Loading
12:00:00 / -:--:--
⎚

Hurukuro naVaRaymond Majongwe
Loading
12:00:00 / -:--:--
⎚

Studio 7

Chirongwa

Facebook

 

Most Popular