Tuesday, March 31, 2015 Local time: 20:04

Nhau / Africa

Mapurisa Anosecha Mahofisi eNational Youth Development Trust

x
Jonga Kandemiiri
Mapurisa ekuLaw and Order, achitungamirwa nevanzi Detective Inspector Boora, uye vaine gwaro rinovabvumidza kusecha, kana kuti search warrant, vanonzi vabvongodza mahofisi esangano revechidiki reNational Youth Development Trust kuBulawayo.

Mapurisa aya anonzi anga achiti ari kutsvaga vanoona nezvezvirongwa musangano iri, VaAlfred Ncube, uye vane mvumo yekusecha kubasa kwavo pamwe nekumba kwavo.

Gweta riri kumirira sangano iri, uye richishanda neZimbabwe Lawyers for Human Rights, VaLison Ncube, vati mapurisa aya ari kupomerawo sangano iri mhosva yekuchengeta magwaro anonzi nehurumende anogona kukonzera kusagadzikana munyika uye kunyoresa vanhu kuti vazokwanisa kuvhota zviri kunze kwemutemo.

VaNcube vati kunyange hazvo mapurisa asecha mahofisi aya, hapana zvavawana zvingaroverere sangano iri nemhosva. Vatiwo mapurisa aya azotakurawo mamwe magwaro ane mazita evanhu vakambopinda mumwe musangano wakaitwa nesangano iri.

NeMuvhuro mapurisa ekuLupane akasungawo nhengo makumi mana dzesangano iri achivapomera mhosva yekunyoresa vanhu kuvhota zvisiri pamutemo. Asi makumi matatu nevasere vevanhu ava vakazoregwa vasina mhosva yavakapomerwa.

Vaviri vavo vanonzi vazopinda mudare kwakare kuLupane asi muchuchisi anonzi azoti nyaya iyi imbosendekwa sezvo hurumende isina humbowo hwakakwana.

Mukuru weNational Youth Development Trust, VaLiberty Bhebhe, vanoti zviri kuitwa nemapurisa izvi kuda kushungurudza vemasangano akazvimirira pamberi pesarudzo, idzo dziri kutarisirwa kuitwa gore rino.

Vati sangano ravo harina masimba ekudhinda zvinonzi nemapurisa vanazvo izvi, asi kuti mhosva yavo ndeyekuti chete vari kukurudzira vechidiki kuti vanonyoresa kuti vazovhota.

Muna Zvita wegore rapera, mapurisa akasecha pamwe nekusunga vashandi verimwe sangano rakazvimirira reZimRights vachivapomera mhosva yakafanana naiyoyi. Vashandi vana veZimRights kusanganisira mukuru wesangano iri, VaOkay Machisa, vachiri kutongwa nemhosva iyi.

Hurukuro naVaLison Ncube
Hurukuro naVaLison Ncubei
|| 0:00:00
...    
🔇
X

You May Like

Vhidhiyo VOA60 Africa

VOA60 Africa is a one-minute wrap of the past 24 hours' news and video from the African continent. It includes politics, weather, arts, culture and the extraordinary events that lead the headlines. Share and be informed - VOA60. Onai zvimwe

Dynamos Yotungamira muPremier Soccer League

Chikwata chine mukombe weCastle Lager Premier Soccer, che Dynamos, chave pamusoro soro pamakundano aya zvichitevera kukunda kwachakaita mukupera kwesvondo. Onai zvimwe

Meya Mutoti Voshupika neKutengeswa kweMasitendi muChitungwiza Zviri Kunze kweMutemo

Vachitaura nevatori venhau mu Harare, meya weChitungwiza, Va Phillip Mutoti, vati kanzuru yavo haisi kufara nekupambwa kuri kuitwa masitendi munzvimbo yeNyatsime zvine chekuita nezvematongerwo enyika vanhu vopedzisira vavaka dzimba zvisina mvumo yekanzuru yavo. Onai zvimwe

Gomarara reMuhura Hukuru Ronetsa muZimbabwe

Imwe nyanzvi yechirwere chegomarara inokurudzira veruzhinji vabvezera kuti vaenda kunovhenekwa kuitira kuti vawane rubatsiro pachiri nenguva. Onai zvimwe
Indaba Ndebele

Indaba Ndebele

Ndebele 1800-1830 Monday-Friday
Nhau dzeShona

Nhau dzeShona

Nguva yeChirongwa Muvhuro-Chishanu Nguva dzeChinomwe Manheru 19:00 UTC Time: 1700 Nguva yeChirongwa 30
Live Talk

Live Talk

Zimbabweans living outside the country who cannot receive our broadcast signals can now listen to and participate in LiveTalk in real time. Click on the link below to listen to the LiveTalk program in progress (8:30-9:00 p.m. Zimbabwe time (1830-1900 UTC) Monday-Friday) and call our studio directly at 1-202-619-2077 to participate. Schedule: Monday-Friday Local Time: 8:30-9:00 p.m. UTC Time: 1830-1900 Duration: Weekdays: 30 minutes
Indaba Ndebele

Indaba Ndebele

Ndebele 1800-1830 Monday-Friday

Facebook