China, Kukadzi 11, 2016 Local time: 12:29

    Nhau / Africa

    MDC-T Yopomera Vasori Mhosva yeKumwaya Mapepa Anozvidza VaTsvangirai

    x
    Jonga Kandemiiri
    Bato reMDC inotungamirirwa naVaMorgan Tsvangirai rinoti vanhu vasingazivikanwi vari kumwaya mumaguta nemaruwa akawanda zvinyorwa zvine ruvara rwutsvuku uye zvine chidhindo chebato iri, zvine mashoko ari kukurudzira VaTsvangirai kuti vasiyane netsika yekuisa vachamirira bato iri musarudzo vasina kusarudzwa nevanhu.

    Mutauriri weMDC T, VaDouglas Mwonzora, vati bato ravo rinofungidzira kuti aya mabasa evasori pamwe neZanu PF ekuda kusvibisa mutungamiri wavo pamberi pesarudzo, uye vachakurudzira nhengo dzavo kuti dzisateerera zviri pazvinyorwa izvi.

    VaMowonzora vati mapepa aya akakandwa mumaguta anoti Mutare, kuManicakand, Harare, Gweru, kuMidlands neBulawayo uye vari kutarisira kuti achakandwa mumatunhu akawanda munyika senzira yekukonzera nyonganyonga mubato ravo.

    MDC T iri kutarisirwa kuita sarudzo mwedzi uno dzekutsvaga vachakwikwidza musarudzo dzegore rinouya, asi paine nzira yekutanga pawonekwa kana vamiriri varipo iye zvino vachiri kudiwa nevanhu. Maitiro aya anonzi haasi kufadza vamwe mubato iri, avo vari kuzviona senzira yekudzivirira vamwe vari pazvigaro.

    Asi VaTsvangirai svondo rapera vakakurudzira vatsigiri vavo kuti vasambunyikidza vanhu nekuisa vachamirira bato musarudzo ivo vasina kusarudzwa neveruzhinji.

    VaMwonzora vaudza Studio7 kuti chidhindo chiri pamapepa aya ndechenhando izvo zvaita kuti varambe kuti zvingadai zviri kuitwa nevari kugunun’una mubato ravo.

    Hurukuro naVaDouglas Mwonzora
    Hurukuro naVaDouglas Mwonzorai
    || 0:00:00
    ...    
     
    X

    You May Like

    Vagari vekuMasvingo Vanoti Vomanikidza kuBhadhara Mari yeBhavhudhe raVaMugabe

    Mutungamiriri we sangano rinomiririra vadzidzisi re Progresive Teachers Union of Zimbabwe(PTUZ) VaTakavafira Zhou vati hofisi yavo yanzwa nekutambira mashoko aya kubva ku nhengo dzavo. Onai zvimwe

    Sangano reMapurisa neMauto reJoint Operation Command Rodaidzira Hurukuro neSangano Riri Kuronga Kufora paValentine's Day

    Rimwe sangano rinorwira kodzero dzevanhu, reZimbabwe Activists Alliance rinoti rino katyamadzwa nedanho ratorwa nemapurisa rekushevedza nhengo dzaro kumusangano weJoint Operation Command kana kuti JOC, uyo unonzi uchaitwa neChina masikati Onai zvimwe

    VaMnangagwa naVaCharamba Vofumurwa KuMusangano weZanu-PF Politburo

    Mumiriri weHurungwe East mudare reparamende amai Sarah Mahoka vatiwo VaMnangagwa havafanire kuita kunge dhakisi vachitadza kutsiura vatsigiri vavo avo vanzi vave kunetsa vamwe vatsigiri mubato nenyaya yekuda chigaro. Onai zvimwe
    Live Talk

    Live Talk

    Zimbabweans living outside the country who cannot receive our broadcast signals can now listen to and participate in LiveTalk in real time. Click on the link below to listen to the LiveTalk program in progress (8:30-9:00 p.m. Zimbabwe time (1830-1900 UTC) Monday-Friday) and call our studio directly at 1-202-619-2077 to participate. Schedule: Monday-Friday Local Time: 8:30-9:00 p.m. UTC Time: 1830-1900 Duration: Weekdays: 30 minutes

    Facebook