Chipiri, Kukadzi 09, 2016 Local time: 02:58

    Nhau / Africa

    Nyanzvi Dzopesana Maonero Adzo Zviri Mugwaro reBumbiro Idzva

    VaMunyaradzi GwisaiVaMunyaradzi Gwisai
    x
    VaMunyaradzi Gwisai
    VaMunyaradzi Gwisai
    Jonga Kandemiiri
    Nyanzvi munyaya dzemitemo dziri kupesana zvikuru pamanyorerwo akaitwa gwaro rebumbiro idzva remitemo yenyika, vamwe vachiti chikamu chinobata nyaya yeminda, hachina kunyorwa zvakanaka nekuti hachina kodzero dzevanhu vaishanda mumapurazi evachena akatorwa nehurumende achipihwa vanhu vatema.

    Asi vamwewo vanoti bumbiro iri rine zvakanaka zvarakaita zvikuru pakuendesa masimba evhu kuvatema, sezvo richiisa ivhu mumaoko evatema.

    Kunyange hazvo chikamu chegumi nenhanhatu chebumbiro rakanyorwa neCOPAC chichinzi chakanangana nekugadzirisa mhosho munyaya dzevhu dzakakonzerwa nehupambepfumi  nechinangwa chekuti mwana wese weZimbabwe, awane cheuviri muzviwanikwa pamwe nevhu, mamwe mapoka akaita semadzishe akatotanga kare kuchema achiti bumbiro idzva iri harisi kuvapawo masimba ekugova ivhu.

    Bato reZanu PF rakaedza kunyaradza madzishe aya richiti zvichemo zvavo pamwe nezvimwe, zvichagadziriswa kana sarudzo dzapfuura nehurumende inenge yavepo.

    Mamwe masangano akaita sere International Socialist Organisation, ISO, neNational Constitutional Assembly, NCA, ari kushorawo bumbiro iri achiti harina kubva muvanhu sezvakanga zvakatarisrwa kwemakore ose adarika aya.

    ISO inoti bumbiro iri riri kutarisa vebato rimwe chete vakakwanisa kutora minda yevachena, uye kuita kuti vachena vekunze ava varipirwe minda yavo yakatorwa, asi pasina zviri kuitirwa vana veZimbabwe vaishanda pamapurazi akatorwa pasi pechirongwa chekugova minda, avo vakasiiwa pachena.

    Imwe nyaya inonzi nesangano iri haineyi neveruzhinji inyaya yekuumbwa kwekomisheni ichange ichiona nezveminda, yeLand Commission.

    Mukuru anoona nezvekufambiswa  kwemabasa muISO, VaMunyaradzi Gwisai, vanoti masimba acharamba ari kumutungamiri wenyika pakudoma makomishina achapinda mukomisheni iyi, uye komisheni iyi ichange isina masimba asi kuti ichange iripo chete kuzadzisa zvinenge zvatarwa negurukota rezveminda.

    Asi mumwe wemasachigaro eCOPAC, VaDouglas Mwonzora veMDC T, vanoti bumbiro iri rakanakira vana veZimbabwe zvikuru sezvo richange richivapa mukana wekuwana magwaro anovapa masimba paminda yavo.

    Vanotiwo mutema akatorerwa purazi rake acharipwa mari yeminda pamwe nezvivakwa zvake, asi muchena wekunze akatorerwa purazi acharipwa chete mari yezvivakwa zvake.

    You May Like

    Mhuri yaVaItai Dzamara Yoronga Kusangana naVaMnangagwa

    VaDzamara, avo vakapambwa nevarume vanofungidzirwa kuti vasori musi wa9 Kurume gore rapera, vari kusvitsa mwedzi gumi nemumwechete musi weChipiri pasina ruzivo rwekwavari. Onai zvimwe

    Kusagadzikana kweZvinhu muMDC yaVaNcube-VaMzila Ndlovu Vanobviswa paChigaro

    MDC inotungamirirwa naVaWelshman Ncube yakasangana mukupera kwesvondo yakasunga kuti vakafanobata chigaro chemunyori mukuru webato iri, VaMoses Mzila Ndlovu vabve pachigaro ichi Onai zvimwe

    Vhidhiyo Live Talk

    Zimbabweans living outside the country who cannot receive our broadcast signals can now listen to and participate in LiveTalk in real time (8:30-9:00 p.m. Zimbabwe time) (1830-1900 UTC) (Monday-Friday) and call our studio directly at 1-202-619-2077 to participate. Onai zvimwe

    Dare Rotarisirwa Kuzeya Nyaya Yekuti VaMugabe Havachakwanise Kutonga Muna Kubvumbi

    Muzvinafundo Lovemore Madhuku vanoti zviri kuitwa naVaChinyoka kupedzera hoko padehwe retsindi. Onai zvimwe
    Live Talk

    Live Talk

    Zimbabweans living outside the country who cannot receive our broadcast signals can now listen to and participate in LiveTalk in real time. Click on the link below to listen to the LiveTalk program in progress (8:30-9:00 p.m. Zimbabwe time (1830-1900 UTC) Monday-Friday) and call our studio directly at 1-202-619-2077 to participate. Schedule: Monday-Friday Local Time: 8:30-9:00 p.m. UTC Time: 1830-1900 Duration: Weekdays: 30 minutes
    Indaba zesiNdebele

    Indaba zesiNdebele

    Ndebele 1800-1830 Monday-Friday
    English

    English

    Studio 7 has been providing Zimbabwe with objective, reliable and balanced radio news broadcasts since 2003 and has become a highly valued alternative point of reference on the airwaves for many thousands of Zimbabweans. Studio 7 covers politics, civil society, the economy, health, sports, music, the arts and other aspects of life in Zimbabwe.

    Facebook