Mugovera, Kukadzi 13, 2016 Local time: 12:49

    Nhau / Africa

    VaTsvangirai, VaMugabe naVaMutambara Vozeya Pasvika Bumbiro Idzva

    x
    Jonga Kandemiiri
    Vakuru muhurumende vakasaina chibvumirano chekuumba hurumende yemubatanidzwa vasangana negurukota rezvebumbiro remitemo nemabasa eparamende vakazeya pasvika  bumbiro idzva remitemo yenyika.

    Mutungamiri wenyika, VaRobert Mugabe, mutungamiri wehurumende, VaMorgan Tsvangirai, pamwe nemutevedzeri wemutungamiri wehurumende, VaArthur Mutambara, vasangana muHarare  negurukota rezvebumbiro remitemo nemabasa eparamende, VaEric Matinenga, vachida kuti vaziviswe pasvika hurongwa hwekunyorwa kwebumbiro idzva.

    Vatungamiri ava vanosangana panguva apo paine makakatanwa pamusoro pebumbiro iri zvichitevera musangano weSecond All Stakeholders Conference wakaitwa muna Gumiguru.

    Bato reZanu PF rinonzi riri kuda kuti gwaro rezvakaitika kumusangano weSecond All Stakeholders’ Conference ritange raendeswa kuvatungamiri vemapato ari muhurumende, ukuwo mapato eMDC ari kuti gwaro iri ritange raendeswa kuparamende, sezvo iri iyo yakatuma COPAC kuita basa iri.

    Vane ruzivo nezviri kuitika mumapato ari muhurumende vanoti kana gakava iri rakasagadziriswa nekukasika, mapato eMDC ari kuti nyaya iyi inofanirwa kuendeswa kuSADC.

    Mumwe wevatungamiri ava uye ari mutungamiri werimwe bato reMDC, VaWelshman Ncube, havana kupinda mumusangano wevatungamiri uyu uye vanonzi vari kuUganda pari zvino. VaNcube vagara vachiti havapinde mumusangano unoremekedza VaMutambara semumiriri webato.

    VaMatinenga vaudza Studio 7 kuti vatungamiri vehurumende ava vavavimbisa kuti havasi kuda kutora chirongwa ichi kubva kuCOPAC, asi kuti vari kuda chete kuti vange vachiziviswa nezvedanho iri parinenge rasvika.

    Vatiwo vari kutarisirwa kunyora gwaro repasvika hurongwa uhwu ravachapa kuvatungamiri ava neChishanu chesvondo rino kana kuti neMuvhuro wesvondo rinouya.

    Hurukuro naVaEric Matinenga
    Hurukuro naVaEric Matinengai
    || 0:00:00
    ...    
     
    X

    You May Like

    VaChris Mutsvangwa Vodzingwa muZanu-PF

    VaMutsvangwa nevamwe vavo vari kupomerwa mhosva yekusaremekedza mutungamiri weyika VaRobert Mugabe nemudzimai wavo Amai Grace Mugab Onai zvimwe

    Senator Hlalo Vanodzingwa muMDC-T

    VaSibanda vanoti VaHlao vakapihwa mukana wekuuya kuzozvichenura kudare reNational Couuncil asi vakaramba. Onai zvimwe

    VaTsvangirai Vanoramba Vachikwezva Chaunga kuMisangano Yavo kuMasvingo

    Munyori mukuru muMDC-T VaDouglas Mwonzora vaudza Studio 7 kuti vanhu vakawanda vakauya pamusangano wakaitirwa paNgundu Growth Poi Onai zvimwe

    Gonzo naChin'ai Zvotosvorana: Amai Mugabe Vonetsana naVaMnangagwa

    VaMngangagwa vanonzi ndevamwe vevari muZanu PF varikuda kutora chigaro chemutungamiri wenyika VaRobert Mugabe kana vachinge vabva pachigaro. Onai zvimwe

    Chicken Inn Yokweshana neSundowns yekuSouth Africa muCAF Champions League

    Mutsigiri weChicken Inn VaLevison Ndudzo vanoti chikwata chavo chinokwanisa chete kukanganisa Khama Billiat kuti asatambe semazuva ese vanokunda. Onai zvimwe

    Facebook