Chishanu, Kukadzi 12, 2016 Local time: 17:56

    Nhau / Kodzero-dzevanhu

    Mamonya Oonesa Vanhu Chitsvuku muHarare

    Mapurisa anonzi akanonoka kutora matanho kusvika masoja aisa mutemo mumaoko avoMapurisa anonzi akanonoka kutora matanho kusvika masoja aisa mutemo mumaoko avo
    x
    Mapurisa anonzi akanonoka kutora matanho kusvika masoja aisa mutemo mumaoko avo
    Mapurisa anonzi akanonoka kutora matanho kusvika masoja aisa mutemo mumaoko avo
    Jonga Kandemiiri
    Vagari vemuHarare vanonzi vari kuoneswa chitsvuku nechikwata chemamonya chiri kudaidzwa nerekuti “mandimbandimba”, icho chinonzi chiri kushungurudza vafambi pamwe nevemichovha nekuvamanikidza kubhadhara mari zvisiri pamutemo.

    Kutanga kwemwedzi uno chikwata ichi chakarova mumwe mukuru weZanu PF mudunhu reHarare, VaItai Badze, panokwirirwa mabhazi pana Fourth Street. Chikwata ichi chinonzi chakabhanawo vamwe vemabhazi kutakura vanhu panzvimbo iyoyi chichivapomera mhosva yekuburitsa zvinenge zvaitika kune vemapepanhau.

    Vamwe vanoti chikwata ichi chine chekuita nechimwe chikwata chiri kutambisa vagari vemuHarare chamutavanhava, cheChipangano, icho chinonzi chinodyidzana nebato reZanu PF.

    Munyori anoona nezvekufambiswa kwemabasa muZanu PF, VaDidymus Mutasa, vakakomekedza hutungamiri hwebato ravo muHarare kuti huparadze nekutora matanho kune vari muchikwata cheChipangano ichi.

    Asi vakuru veZanu PF mudunhu reHarare vakaramba kuti Chipangano pamwe nemandimbandimba aya vane chekuita nebato ravo, vachiti vanhu vari kupfeka mbatya dzebato ravo vachisvibisa zita reZanu PF.

    Svondo rino mauto anonzi akarova nekushungurudza vanhu munzvimbo dzinokwirirwa makombi senzira yekutsividza kurohwa kunonzi kwakanga kwaitwa mamwe mauto maviri nechikwata chemandimbandimba svondo rapera.

    Vemasangano evagari vemuHarare pamwe neanorwira kodzero dzevanhu vari kushoropodza zvikuru zviitiko izvi, uye kunonoka kwemapurisa pamwe nekanzuru kutora matanho.

    NeChitatu, mapurisa anonzi akazosunga vanhu vanoronga kuti vanhu vapinde mumakombi zvakanaka vanodarika mazana matatu. Asi veruzhinji vanofunga kuti mapurisa haana kusunga nhengo dzechikwata chemandimbandimba ichi, idzo dzinonzi dzinofamba nezvikakarara zvemotokari.

    Vamwewo ndivo vari kupomera kanzuru yeHarare mhosva yekurega Chipangano nemandimbandima vachidzika midzi vachiita pamadiro pasina matanho ayiri kutora ekuvamisa.

    Mutevedzeri wameya weHarare, VaEmmanuel Chiroto, vaudza Studio7 kuti kanzuru yavo haina simba rekukwanisa kumisa Chipangano kana mandimbandimba sezvo zviine zvematongerwo enyika mukati.

    VaChiroto vati vakatoronga kuti meya weHarare, VaMuchadeyi Masunda, vasangane nevatungamiri vemapato ari muhurumende kuti patsvagwe nzira dzekugadzirisa dambudziko iri.

    Mukuru wesangano revagari vemuHarare, reHarare Residents Trust, VaPrecious Shumba, vatiwo kanzuru yatadza kuisa mutemo nekugadzikana muguta uye nyaya dzehuwori dzanyanya, izvo zvave kupa kuti vanhu varase chivimbo nayo.

    Hurukuro naVaEmmanuel Chiroto pamwe naVaPrecious Shumba
    Hurukuro naVaEmmanuel Chiroto pamwe naVaPrecious Shumbai
    || 0:00:00
    ...    
     
    X

    You May Like

    Misoro Yenhau Dzanhasi Chishanu, Kukadzi, 12, 2016

    Ini ndini Marvellous Mhlanga Nyahuye ndichiti heinoi misoro yenhau dzanhasi…Chishanu, Kukadzi, 12, 2016 Onai zvimwe

    Vanamuzvinabhizimisi vemuNyika Voenda kuNetherlands Kunokurudzira Kutengeserana

    Vanamuzvinabhizinesi vechidzimai makumi maviri vemuZimbabwe varikutarisirwa kusimuka munyika nemugovera vakananga ku netherlands uko vachaita misangano yekutsvaga kudyidzana nemakambani ari munyika iyi. Onai zvimwe

    Vanhu Vakawanda Voenda kuMisangano yaVaTsvangirai kuMasvingo

    VaTamborinyoka vanoti bato ravo ririkushora zvikuru mutungamiri wenyika VaRobert Mugabe nekuda kuita mabiko ebhavhudhe ravo munhu iri vanhu vakatarisana nenzara. Onai zvimwe

    Vhidhiyo VOA60 Africa - Nigeria: Two Boko Haram female suicide bombers kill more than 60

    Nigeria: Two Boko Haram female suicide bombers kill more than 60 Onai zvimwe
    Live Talk

    Live Talk

    Zimbabweans living outside the country who cannot receive our broadcast signals can now listen to and participate in LiveTalk in real time. Click on the link below to listen to the LiveTalk program in progress (8:30-9:00 p.m. Zimbabwe time (1830-1900 UTC) Monday-Friday) and call our studio directly at 1-202-619-2077 to participate. Schedule: Monday-Friday Local Time: 8:30-9:00 p.m. UTC Time: 1830-1900 Duration: Weekdays: 30 minutes
    Indaba zesiNdebele

    Indaba zesiNdebele

    Ndebele 1800-1830 Monday-Friday

    Facebook