Mugovera, Gunyana 05, 2015 Local time: 14:15

Nhau / Africa

Africaid Yobatsira Vana Vanorarama neHIV/AIDS

x
Taurai Shava
Rimwe remasangano anoshanda akazvimirira rinoti riri kushanda nekanzuru yeguta reGweru muzvirongwa zvekubatsira vana vari kurarama neHIV/AIDS. Izvi zviri kuitirwa mumakirinika ekanzuru senzira yekuedza kusimudzira hutano hwevana ava.

Kazhinji kazhinji kana kuchitaurwa nezvematambudziko akatarisana nevanhu vanorarama neHIV/AIDS panowanzotaurwa chete matambudziko evanhu vakuru kwete evana vadiki vari kuraramawo nedambudziko iri.

Nekuda kwekuona izvi, rimwe sangano rinoshanda rakazvimirira rega reAfricaid, richishanda nebazi rezvehutano mukanzuru yeguta reGweru, rakaparura chirongwa chekuvamba mapoka erutsigiro kuvana vari kurarama neHIV/AIDS.

Mukuru weAfricaid mudunhu reMidlands, VaSimbarashe Munyonho, vanoti chirongwa ichi, icho chinoziikanwa nezita rekuti “Zvandiri”, chinokurudzira vechiki vari kurararama neHIV kuti vapinde muzvirongwa izvi mumakiriniki pavanopiwa mishonga inoderedza hukasha nemarwadzo, kana kuti anti-retroviral drugs.

VaMunyonho vanoti sangano ravo rakaona zvakakosha kuita chirongwa ichi vakanangana nevana vadiki sezvo vachiti vechidiki ava vanogona kutadza kunzwinzwisa zvinodiwa kuti zviitwe nemunhu ari kurararama neHIV, uyewo vanogona kuremerwa nepfungwa nekuda kwerusarura rwunoitika kuvanhu vane HIV.

VaMunyonho vanoti kunyange hazvo vana mukoti vari mumakiriniki ekanzuru vachikwanisa kupa vana ava mishonga, nekuda kwekuwandirwa nebasa, vana mukoti ava havazokwanise kupa vana ava nguva yakawanda yekunzwa mamwe matambudziko avanenge vachisangana nawo.


Africaid yakatanga chirongwa ichi muGweru pakutanga kwegore rino mushure mekunge sangano iri raparura chirongwa ichi muguta reHarare mugore ra2004.

Pari zvino chirongwa ichi chiri kuitwa mumakiriniki maviri anoti Mkoba Polyclinic pamwe chete neMkoba 1 Clinic. Chirongwa ichi chinotarisirwa kutangwawo paMtapa Clinic mwedzi unouya, chichizoitwawo mumakiriniki ose ekanzuru ari manomwe, gore risati rapera.

Studio 7 haina kukwanisa kunzwa kuti paMkoba Polyclinic nepaMkoba 1 pane vana vangani vari kurarama neHIV vari muchirongwa ichi.

Mukoti mukuru mukanzuru yeguta reGweru, Amai Rosemary Mlambo, vanoti kunyange hazvo kanzuru yange yagara ichikurudzira kuti vana vadiki vanorarama nehutachiwana vavewo muzvirongwa izvi, zvange zvisinganyatshoshanda zvakanaka.

Pasi pechirongwa ichi, Africaid inosangana nevana vari kurarama neHIV/AIDS pamakakiriniki ekanzuru kaviri pamwedzi.

Pavanosangana apa vana ava vanoita mitambo yakasiyana-siyana uye vanowanawo mukana wekusanganawo nevamwe vanhu vakasiyana-siyana vanoshanda pamwe chete nesangano reafricaid.

Africaid inoti shuviro yavo ndeyekuti vasvitse chirongwa ichi kumaruwa ari mudunhu reMidlands.

You May Like

VaGari vemuBulawayo Voratidzira neNyaya yemaMita eMvura

Vagari vemuBulawayo vanosvika zviuru zvishanu vakaratidzira mumigwagwa yeguta iri neChishanu vachishora kanzura yavo iri nekuda kuisa mapre-paid water meters mudzimba dzavo. Onai zvimwe

Hurumende Yoverenga Misoro yeVarairidzi neVana veChikoro

Hurumende yakazivisa kuti ichange ichiverenga varairidzi pamwe nevana vechikoro muzvikoro zviri mumisha yeMbare neHatfiled, mudunhu reHarare kubva musi weChipiri Gunyaya 8, unove musi uchavhurwa zvikoro Onai zvimwe

VaTsigiri VeZimbabwe "Wariors" Votarisira Kuti Ichakunda Guinea muMutambo weAfrican Nations Cup

Vatsigiri venhabvu muZimbabwe havasi kutarisira chimwe chinhu kunze kwekukunda apo chikwata chavo chirikupinda munhandare nesvondo mumutambo wavo we2017 Africa Cup of Nations neGuinea. Onai zvimwe

Vachena nemaKaradhi Vonetseka Zvinotyisa muZimbabwe

Apo zvinhu zviri kuramba zvichioma munyaya dzehupfimi munyika, nhamo yave kurova vanhu vemarudzi ese munyika kusanganisira varungu nevemamwe marudzi avo vaionekwa nevanhu vasingabatwe nenhamo. Onai zvimwe

Vhidhiyo Live Talk

Zimbabweans living outside the country who cannot receive our broadcast signals can now listen to and participate in LiveTalk in real time (8:30-9:00 p.m. Zimbabwe time) (1830-1900 UTC) (Monday-Friday) and call our studio directly at 1-202-619-2077 to participate. Onai zvimwe
Live Talk

Live Talk

Zimbabweans living outside the country who cannot receive our broadcast signals can now listen to and participate in LiveTalk in real time. Click on the link below to listen to the LiveTalk program in progress (8:30-9:00 p.m. Zimbabwe time (1830-1900 UTC) Monday-Friday) and call our studio directly at 1-202-619-2077 to participate. Schedule: Monday-Friday Local Time: 8:30-9:00 p.m. UTC Time: 1830-1900 Duration: Weekdays: 30 minutes
Indaba zesiNdebele

Indaba zesiNdebele

Ndebele 1800-1830 Monday-Friday

Facebook