Chishanu, Kukadzi 12, 2016 Local time: 20:05

    Nhau / Africa

    Varairidzi Vatsva Votadza Kuwana Mabasa

    x
    Jonga Kandemiiri
    Varairidzi vachangopedza zvidzidzo zvavo zvehurairidzi paHillside Teachers’ College kuBulawayo vanosvika makumi mashanu vanoti vari kukundikana kuwana nzvimbo dzekudzidzisa mudunhu reMidlands ravakasarudza.

    Varairidzi vatsva ava vanoti vakaenda kumahofisi ebazi rezvedzidzo mudunhu reMidlands vakazoendeswa kudunhu reGokwe South vachitarisira kuti vanonowana nzvimbo dzekudzidzisa.

    Asi vanoti izvi hazvisi kuitika sezvo zvikoro zvavari kunzi vaende, zvichinzi hazvina nzvimbo, idzo vanoti dzakazara nevarairidzi vasina kudzidzira basa ravo.

    Mumwe wevairidzi ava, uyo ati anoda kudaidzwa nerekuti VaTakunda Marozva, vanoti vave nefungidziro yekuti varairidzi vasina kudzidzira basa ava vanogona kunge vari kushandisa mari kuti varambe vari pazvikoro izvi, sezvo mutemo uchiti kana pawanikwa akadzidzira basa, asina kudzidzira basa anofanirwa kubva angosiya basa.

    Varairidzi vatsva ava vanoti vakanyorera kumahofisi ebazi rezvedzidzo muGokwe South vachirizivisa nezvedambudziko ravo iri, asi havasati vapihwa mhinduro.

    Mumwe ari mubazi rezvedzidzo asina kuda kudomwa nezita sezvo asingabvumidzwi kutaura nevatori venhau atiwo kuendeswa kwevarairidzi mumatunhu kwakarongeka zvikuru sezvo pavenenge vopedza zvidzidzo zvavo vachipiwa mukana wekusarudza matunhu avanenge vachida kunoshandira.

    Atiwo zvikoro zvinenge zvichida varairidzi zvinogara zvakazivisa mahofisi avo mumatunhu ose paine nguva, izvo zvinozoita nyore kuendesa varairidzi vatsva ava sezvo bazi rezvedzidzo rinenge richiziva nechekare zvikoro zvinoda varairidzi.

    Mushandi uyu, uyo ari muHarare, anoti hofisi yavo haisati yanzwa nezvedambudziko riri kuGokwe South iri.

    Hurukuro naVaTakunda Marozva
    Hurukuro naVaTakunda Marozvai
    || 0:00:00
    ...    
     
    X

    You May Like

    Misoro Yenhau Dzanhasi Chishanu, Kukadzi, 12, 2016

    Ini ndini Marvellous Mhlanga Nyahuye ndichiti heinoi misoro yenhau dzanhasi…Chishanu, Kukadzi, 12, 2016 Onai zvimwe

    Vanamuzvinabhizimisi vemuNyika Voenda kuNetherlands Kunokurudzira Kutengeserana

    Vanamuzvinabhizinesi vechidzimai makumi maviri vemuZimbabwe varikutarisirwa kusimuka munyika nemugovera vakananga ku netherlands uko vachaita misangano yekutsvaga kudyidzana nemakambani ari munyika iyi. Onai zvimwe

    Vanhu Vakawanda Voenda kuMisangano yaVaTsvangirai kuMasvingo

    VaTamborinyoka vanoti bato ravo ririkushora zvikuru mutungamiri wenyika VaRobert Mugabe nekuda kuita mabiko ebhavhudhe ravo munhu iri vanhu vakatarisana nenzara. Onai zvimwe

    Vhidhiyo VOA60 Africa - Nigeria: Two Boko Haram female suicide bombers kill more than 60

    Nigeria: Two Boko Haram female suicide bombers kill more than 60 Onai zvimwe
    Indaba zesiNdebele

    Indaba zesiNdebele

    Ndebele 1800-1830 Monday-Friday
    English

    English

    Studio 7 has been providing Zimbabwe with objective, reliable and balanced radio news broadcasts since 2003 and has become a highly valued alternative point of reference on the airwaves for many thousands of Zimbabweans. Studio 7 covers politics, civil society, the economy, health, sports, music, the arts and other aspects of life in Zimbabwe.
    Nhau dzeShona

    Nhau dzeShona

    Nguva yeChirongwa Muvhuro-Chishanu Nguva dzeChinomwe Manheru 19:00 UTC Time: 1700 Nguva yeChirongwa 30

    Facebook