Chishanu, Kukadzi 12, 2016 Local time: 11:41

    Nhau / Africa

    Dare Rinoudza VaKunonga Kuti Vasiyane neZvivakwa zveAnglican Church

    x
    Irwin Chifera
    Dare repamusoro soro rapa mutongo wekuti Anglican Church - Church of the Province of Central Africa CPCA – Harare Diocese, ndiyo muridzi wezvivakwa zvose zvakanga zvatorwa na Bishop Nolbert Kunonga.

    Izvi zvapa kuti zvivakwa zvose zvechechi iyi zvive pasi pa Bishop Chad Gandiya, vanova mukuru we CPCA – Harare Diocese. 

    Dare ratiwo VaKunonga havasi mukuru weAnglican Church muHarare.

    Mutongo  uyu wapedza makakatanwa pakati pezvikwata zviviri, ayo ange ari kukonzera kuti nhengo dze CPCA – Harare Diocese dzishaye nzvimbo yekunamatira sezvo dzaitandaniswa mumachechi adzo nemapurisa achishanda naVaKunonga.

    Vachitaura nemabhishopi nenhengo dzesvondo yavo mushure memutongo uyu, Bishop Gandiya vati  vanofara chose kuti mwari vanzwa minato yavo.

    Bishop Gandiya vati vari kutarisira kudzokera kunoshandira kumuzinda wechechi yavo pamwe nekunamatira mudzichechi dzavo zvichitevera mutongo uyu.

    Munyori muCPCA  Harare Diocese, VaMichael Chingore, vati  mutongo uyu unotaura pachena kuti VaKunonga havana kodzero yekurambira vari mumahofisi eCPCA nekuti havasi mukuru weAnglican Church. 

    VaChingore vati kunyange hazvo dare risina kutara nguva yekuti VaKunonga vabude muzvivakwa zveCPCA, vanofanira kubuda nekukurumidza kuitira kuti vasaburitswe nechisimba nezvikonzi.

    Nyaya iyi yakanzikwa navatongi vanoti Justice Luke Malaba, Amai Vernanda Ziyambi naVaYunus Ormerjee.

    VaKunonga nevamwe vavo vakabuda mu CPCA – Harare Diocese muna 2007 vachiti vakange vasingafarire zvechingochani, vakatanga svondo yavo yeAnglican Church of the Province of Zimbabwe.

    Vakazodzingwa ne Anglican Church zviri pamutemo muna 2008, asi vakaramba vakabatirira zvivakwa nemidziyo  yeCPCA kunyange hazvo vainge vabuda musvondo iyi.

    Izvi zvakazoita kuti veCPCA vakwidze nyaya iyi kumatare edzimhosva, VaKunonga vakapihwa mvumo yekubata zvivakwa nemidziyo yose yechechi iyi. Asi veCPCA vakapikisa nyaya iyi kudare repamusoro soro.

    Mwedzi wapera, dare iri rakapa zvakare mutongo waibvisa masimba aVaKunonga avakanga vazvipa, pamwe nekuti vasashandise midziyo yechechi iyi mumatunhu akasiyana siyana ari kunze kwe Harare Diocese.

    You May Like

    Vanamuzvinabhizimisi vemuNyika Voenda kuNetherlands Kunokurudzira Kutengeserana

    Vanamuzvinabhizinesi vechidzimai makumi maviri vemuZimbabwe varikutarisirwa kusimuka munyika nemugovera vakananga ku netherlands uko vachaita misangano yekutsvaga kudyidzana nemakambani ari munyika iyi. Onai zvimwe

    Vanhu Vakawanda Voenda kuMisangano yaVaTsvangirai kuMasvingo

    VaTamborinyoka vanoti bato ravo ririkushora zvikuru mutungamiri wenyika VaRobert Mugabe nekuda kuita mabiko ebhavhudhe ravo munhu iri vanhu vakatarisana nenzara. Onai zvimwe

    Vhidhiyo VOA60 Africa - Nigeria: Two Boko Haram female suicide bombers kill more than 60

    Nigeria: Two Boko Haram female suicide bombers kill more than 60 Onai zvimwe

    Mutongo weDare rekuSouth Africa Wekuti Vanosungwa Vasina Mapepa Vaende Kumatare neKukurumidza Wofadza Zvizvarwa zveZimbabwe.

    Dare repamusoro reGauteng North muSouth Africa rakatonga kuti vanhu vose vanosungwa nenyaya dzine chekuita nekupinda pamwe nekugara munyika iyi vanofanirwa kumiswa pamberi pematare mukati memazuva maviri, kukundikana kwazvo vanofanirwa kuburitswa muhusungwa. Onai zvimwe
    Live Talk

    Live Talk

    Zimbabweans living outside the country who cannot receive our broadcast signals can now listen to and participate in LiveTalk in real time. Click on the link below to listen to the LiveTalk program in progress (8:30-9:00 p.m. Zimbabwe time (1830-1900 UTC) Monday-Friday) and call our studio directly at 1-202-619-2077 to participate. Schedule: Monday-Friday Local Time: 8:30-9:00 p.m. UTC Time: 1830-1900 Duration: Weekdays: 30 minutes
    Indaba zesiNdebele

    Indaba zesiNdebele

    Ndebele 1800-1830 Monday-Friday
    English

    English

    Studio 7 has been providing Zimbabwe with objective, reliable and balanced radio news broadcasts since 2003 and has become a highly valued alternative point of reference on the airwaves for many thousands of Zimbabweans. Studio 7 covers politics, civil society, the economy, health, sports, music, the arts and other aspects of life in Zimbabwe.

    Facebook